Myriam Spiteri Debono

Myriam Spiteri Debono jew Miriam Spiteri Debono (imwielda fil-25 ta' Ottubru 1952) hija l-President attwali ta' Malta . Hija l-ewwel mara Għawdxija li ġiet eletta fil-kariga. Kienet ukoll l- Ispeaker tal-Kamra tad-Deputati ta’ Malta mill-1996 sal-1998, u l-ewwel mara li okkupat dik il-kariga.

Myriam Spiteri Debono
President ta' Malta 4 April 2024 - ← George Vella Speaker tal-Kamra tar-Rappreżentati ta' Malta Settembru 1996 - Ottubru 1998 ← Lawrence Gonzi - Anton Tabone →
Ħajja
Twelid	Rabat, 25 Ottubru 1952 (72 sena)
Nazzjonalità	Malta
Edukazzjoni
Alma mater	Università ta' Malta
Okkupazzjoni
Okkupazzjoni	nutar politiku

F'Jannar 2023, hija ġiet proposta għall-irwol ta' Kummissarju tal-Istandards mill- Partit Nazzjonalista, madankollu, hija rrifjutat li tiġi kkunsidrata formalment għar-rwol billi sostniet li ma kinitx adattata għalih u lanqas ma kienet interessata li tieħu l-kariga.

Edukazzjoni u karriera bikrija

Spiteri Debono twieldet bħala Miriam Zammit fir-Rabat, Għawdex, lil Pawlu Zammit u martu. Hija rċeviet l-edukazzjoni formali tat-tfulija tagħha f’Għawdex u wara attendiet l- Università ta’ Malta, fejn studjat il-Letteratura u l-Lingwistika Ingliża, u gradwat fl-1973. Studjat ukoll il-liġi u gradwat bħala Nutar fl-1980.

L-ewwel ħatriet tagħha fil-kariga pubblika kienu jinkludu dik ta’ president tal-Bord tal-Koperattivi, u membru fundatur tal-Kummissjoni għall-Ugwaljanza bejn is-Sessi.

Kienet kandidata għall-Malta Labour Party f’ħames elezzjonijiet ġenerali (1981, 1987, 1992, 1996, 2003), iżda qatt ma ġiet eletta. Madankollu, hija ġiet eletta fl-eżekuttiv nazzjonali tal-partit fl-1982.

Spiteri Debono serviet bħala president tas-sezzjoni tan-nisa tal -Partit Laburista bejn l-1993 u l-1996.

F'Settembru 1996 inħatret Speaker tal-Kamra tad-Deputati ta' Malta mill-Prim Ministru Alfred Sant. Kienet l-ewwel mara li serviet f’dan l-irwol f’Malta, warajha daħal fil-kariga ta' speaker Anton Tabone f’Ottubru 1998.

Presidenza

Fil-21 ta’ Marzu 2024, kienet irrapurtata li kienet l-ippreferuta biexbiex tinħatar president tar-Repubblika ta’ Malta. Il-ġimgħa ta’ wara, dan kien ikkonfermat fi stqarrija konġunta maħruġa mill-uffiċji tal-Prim Ministru u tal-Kap tal-Oppożizzjoni. Il-Kamra tad-Deputati ivvutat unanimament biex teleġġi lil Spiteri Debono bħala l-11-il President ta’ Malta fis-27 ta’ Marzu 2024. B'hekk saret l-ewwel president li ġie elett bl-użu tar-riforma kostituzzjonali l-ġodda tal-2020 li tindkudi ir-rekwiżit il-ġdid ta’ żewġ terzi tal-approvazzjoni tal-parlament għan-nominat presidenzjali.

Spiteri Debono hija t-tielet mara li qed isservi bħala President ta’ Malta, wara Agatha Barbara u Marie Louise Coleiro Preca. Hija wkoll it-tielet persuna minn Għawdex li ġiet appuntata f'din il-kariga, wara Anton Buttigieg u Ċensu Tabone.

Hija ġiet inawgurata fl-4 ta’ April 2024.

L-għada li nħatret ammettiet li ma tużax email jew kompjuter, tippreferi tiddetta l-korrispondenza tagħha u tħalli l-emails f'idejn żewġha.

Ħajja privata

Spiteri Debono għexet ħafna mill-ħajja adulta tagħha f'Birkirkara, Malta. Hija miżżewġa lin-nutar Anthony Spiteri Debono u għandhom tlett itfal, Elena, George and Maria Kristina. Hi u żewġha huma wkoll nanniet ta' erba' neputijiet: Alexandra, Paul, Pippa u Beppe.

Referenzi

1. ^ "Parlament Ta' Malta". www.parlament.mt. Arkivjat minn l-oriġinal fl-13 December 2014. Miġbur 4 June 2017.
2. ^ "Parliament's Standing Orders 'only stencilled papers' - The Malta Independent". www.independent.com.mt. Miġbur 4 June 2017.
3. ^ ^{a b} "Kristy Debono to chair this evening's plenary session". Miġbur 4 June 2017.
4. ^ Xuereb, Matthew (2023-01-05). "Ex-Labour speaker not interested in standard commissioner job". Times of Malta (bl-Ingliż). Miġbur 2024-03-21.
5. ^ Sciberras, Clara (2024-04-05). "Watch: 'Don't Put Your Trust In Princes' - Malta's New President Shares Late Father's Words Of Wisdom" (bl-Ingliż). Miġbur 2024-04-06.
6. ^ ^{a b ċ} Meilak, Nicole. "Who is Myriam Spiteri Debono, the former Speaker set to become the next President?". MaltaToday.com.mt (bl-Ingliż). Miġbur 2024-04-01.
7. ^ ^{a b ċ d} Magri, Giulia (2024-03-27). "Parliament Unanimously Approves Myriam Spiteri Debono as Malta's next President". Times of Malta (bl-Ingliż). Miġbur 2024-03-27.
8. ^ Newsroom, T. V. M. (2024-03-28). "Notary Myriam Spiteri Debono is Malta's third female President and third Gozitan president". TVMnews.mt (bl-Ingliż). Miġbur 2024-03-29.
9. ^ Ltd, Allied Newspapers (3 November 2013). "Press digest". Miġbur 4 June 2017.
10. ^ ^{a b} Zammit, Mark Lawrence (2024-03-31). "What do they think of Myriam Spiteri Debono?". Times of Malta (bl-Ingliż). Miġbur 2024-03-31.
11. ^ ^{a b} "Speaker of the House - Hon. Myriam Spiteri Debono, Eighth Legislature (1996 - 1998)". Parlament.mt.
12. ^ Grech, Herman (2024-03-21). "Myriam Spiteri Debono is frontrunner to become next President of the Republic". Times of Malta (bl-Ingliż). Miġbur 2024-03-21.
13. ^ Sansone, Kurt. "Myriam Spiteri Debono could be the next president". MaltaToday.com.mt (bl-Ingliż). Miġbur 2024-03-21.
14. ^ Arena, Jessica (2024-03-26). "Government and Opposition in agreement on Presidential picks". Times of Malta (bl-Ingliż). Miġbur 2024-03-26.
15. ^ Teuma, Owen (27 March 2024). "Id-deputati kollha tal-Parlament jivvutaw favur Myriam Spiteri Debono bħala President".
16. ^ Arena, Jessica (2024-04-04). "Myriam Spiteri Debono is sworn in as 11th President of Malta". Times of Malta (bl-Ingliż). Miġbur 2024-04-04.
17. ^ Zammit, Mark Lawrence (2024-04-07). "Watch: President: 'We're slowly losing the sense of what's right and wrong'". Times of Malta (bl-Ingliż). Miġbur 2024-04-07.
18. ^ "Biography: President of Malta Myriam Spiteri Debono - The Malta Independent". www.independent.com.mt. Miġbur 2024-04-06.