Tim nazzjonali tal futbol tal Brażil

It-tim nazzjonali tal-futbol tal-Brażil (bil-Portugiż: Seleção Brasileira) jirrapreżenta lill-Brażil fil-futbol internazzjonali u hu mmexxi mill-. Ilhom membri tal-FIFA mill-1923 u membri tal-CONMEBOL mill-1916.

Brażil

Psewdonimu	Seleção (It-Tim Nazzjonali)
Assoċjazzjoni
Konfederazzjoni	CONMEBOL (L-Amerika t'Isfel)
Kowċ
Kaptan
Rekord ta' preżenzi	(142)
Rekord ta' gowls	Pelé (77)
Kodiċi tal-FIFA	BRA
L-ewwel kulur It-tieni kulur
Klassifika tal-FIFA
Pożizzjoni attwali	2
L-ogħla	1
L-inqas	22
L-ewwel logħba
Arġentina 3–0 Brażil (Buenos Aires, Arġentina; 20 ta' Settembru 1914)
L-ikbar rebħa
Brażil 14–0   (São Paulo, Brażil; 10 ta' April 1949) Brażil 9–0   (Lima, Perù; 24 ta' Marzu 1957)
L-ikbar telfa
Urugwaj 6–0 Brażil (, Ċili; 18 ta' Settembru 1920)  Ġermanja 7–1 Brażil (, Brażil; 8 ta' Lulju 2014)
Tazza tad-Dinja
Preżenzi	21 (l-ewwel fl-1930)
L-aqwa riżultat	Rebbieħa (, , , , 2002)
Copa América
Preżenzi	37 (l-ewwel fl-)
L-aqwa riżultat	Rebbieħa (, , , , , , , , )
Preżenzi	7 (l-ewwel fl-)
L-aqwa riżultat	Rebbieħa (, , , )

Il-Brażil huwa l-aktar pajjiħ titolat fl-istorja tat-Tazza tad-Dinja, b'ħames titli: , , , u 2002. Fost tit-titli mirbuħa hemm ukoll tmien suċċessi fil-Copa America u erba' fit-Tazza tal-Konfederazzjonijiet. Dan il-pajjiż huwa l-uniku tim nazzjonali li lagħab f'kull edizzjoni tat-Tazza tad-Dinja mingħajr qatt ma tilef waħda.

Ħafna kummentaturi distinti jikkunsidraw lit-tim Brażiljan tal-1970 bħala l-aqwa tim fl-istorja, għalkemm ħafna jargumentaw l-istess ħaġa għal timijiet oħra, fosthom it-tim Brażiljan tal-1958 u tal-1962.

Attwalment, fil-klassifika dinjija tal-FIFA, huma jinsabu fit-3 post. Il-Brażil huwa l-uniku tim li rebaħ it-Tazza tad-Dinja f'erba' kontinenti differenti: darba fl-Ewropa (Żvezja 1958), darba fl-Amerika t'Isfel (Ċili 1962), darbtejn fl- (Messiku 1970 u Stati Uniti 1994) u darba fl-Asja (Korea/Ġappun 2002). Flimkien ma' Spanja jaqsum ir-rekord ta' 35 logħba konsekuttiva mingħajr telfa.

Storja

Storja tal-bidu (1914–1957)

Huwa maħsub li l-ewwel logħba tat-tim nazzjonali Brażiljan kienet fl-1914 bejn tim magħżul ta' Rio de Janeiro u São Paulo u l-klabb Ingliż ta' , li ntlagħbet fil-. Il-Brażil rebħu 2–0 b'gowls ta' Oswaldo Gomes u Osman, għalkemm oħrajn jgħidu li l-logħba spiċċat dro ta' 3–3. B'kuntrast mas-suċċessi li kellhom jaslu wara, il-bidu tat-tim nazzjonali ma kienx wieħed fjurit, kawża ta' kunflitti interni mal-assoċjazzjonijiet tal-futbol Brażiljani dwar il-professjonaliżmu, li ostakola lill- sabiex tilgħab tim b'saħħtu.

Għat- fl-Iżvizzera, it-tim Brażiljan kien kompletament rinnovat, sabiex jinsa t-telfa tal-Maracanã, għalkemm xorta waħda kellu grupp ta' plejers tajbin, fosthom , , u . Madanakollu, il-Brażil ftit li xejn avvanzaw. Il-favoriti tal-kwarti tal-finali l-Ungerija għelbu lill-Brażil 4–2 f'waħda mill-aktar logħbiet goffi u vjolenta fl-istorja tal-futbol, li baqħet magħrufa bħala l-Battalja ta' Berna.

L-Era tad-Deheb ma' Pelé (1958–1970)

Il-kowċ tal-Brażil , impona regoli stretti lill-iskwadra għat- li kellha ssir fl-Iżvezja. Il-plejers ingħataw lista ta' erbgħin ħaġa li ma kienux permessi jagħmlu, fosthom li jilbsu kpiepel jew umbrellel, ipejpu waqt li jilbsu l-uniformi uffiċjali u jitkellmu mal-istampa barra l-ħinijiet allokati. Huma kienu l-uniku tim li ġabu psikologu fil-kamp tagħhom (minħabba li memorji tal-1950 kienu għadhom jaffettwaw lil xi wħud) jew dentista (minħabba li, kawża tal-oriġini foqra tagħhom, ħafna plejers kellhom problemi fis-snin li kienu qegħdin jikkawżaw infezzjonijiet u kellhom impatt negattiv fuq il-prestazzjoni), u bagħtu scout fl-Ewropa sabiex jara l-logħob ta' kwalifikazzjoni sena qabel ma beda l-kampjonat.

Il-Brażil telgħu fi grupp tqil flimkien mal-Ingilterra, l-Unjoni Sovjetika u l-Awstrija. Fl-ewwel logħba għelbu lil-Awstrija 3–0 u wara ġew dro ta' 0–0 mal-Ingilterra. Il-Brażiljani kienu ilhom jinkwetaw fuq il-prospettiva li jilgħabu mal-Unjoni Sovjetika, li kienu mħarrġa tajjeb ħafna u kienu fost il-favoriti għar-rebħ; l-istrateġija kienet li jieħdu r-riskji fil-bidu tal-logħba sabiex jiskorjaw gowl kmieni. Qabel il-logħba, il-bnadar tat-tim, , , and tkellmu ma' Vicente Feola u pperswaduh sabiex jagħmel tliet sostituzzjonijiet li kienu kruċjali sabiex il-Brażil jirbħu lis-Sovjetiċi u jirbħu t-Tazza: , u ż-żagħżugħ Pelé kellhom jibdew mill-bidu. Mat-tisfira tal-ftuħ, huma qassmu l-ballun lil Garrincha li għeleb lil tliet plejers qabel max-xutt tiegħu ħabat mal-lasta. Huma żammew il-pressjoni u wara tliet minuti, li aktar tard ġew deskritti bħala "l-akbar tliet minuti fl-istorja tal-futbol", tefa' lill-Brażil fil-vantaġġ. Huma rebħu l-logħba 2–0. Pelé skorja l-uniku gowl tal-kwarti tal-finali kontra Wales, u għelbu 5–2 lil Franza fis-semifinali. Fil-finali kontra l-ospiti tal-Iżvezja huma rebħulhom 5–2, biex kisbu l-ewwel Tazza tad-Dinja u saru l-ewwel pajjiż li rebaħ dan it-titlu barra mill-kontinent tiegħu.

Fit-, il-Brażil rebħu t-tieni titlu tagħhom b'Garrincha jkun l-istilla, hekk kif ġarr ir-responsabbiltà tat-tim fuq spallejh wara li Pelé weġġa' fit-tieni logħba tal-grupp kontra ċ-Ċekoslovakkja u kien indisponibbli għall-kampjonat kollu.

Il-preparazzjoni għat- kienet imxekkla minħabba influwenzi politiċi. Il-klabbs il-kbar Brażiljani xtaqu l-plejers tagħhom jiġu inklużi fit-tim Brażiljan, sabiex jiġu esponuti iktar. Fl-aħħar xhur ta' qabel it-Tazza tad-Dinja, il-kowċ Vicente Feola kien qiegħed jaħdem b'46 plejer, li 22 minnhom biss setgħu jmorru l-Ingilterra; dan wassal għal ħafna tilwim intern u pressjoni psikoloġika fuq il-plejers u l-istaff tekniku. Ir-riżultat kien li fil-fażi finali l-Brażil għamel l-agħar prestazzjoni tiegħu fl-istorja tat-Tazza tad-Dinja. L-edizzjoni tal-1966 tibqa' mfakkra għal-logħob fiżiku, u Pelé kien wieħed minn dawk li sofra minn dan it-tip ta' logħob. Wara li sar l-ewwel plejer li skorja fi tliet edizzjonijiet tat-Tazza tad-Dinja minn free-kick dirett kontra l-Bulgarija, u kellu jistrieħ minħabba għejja għal-logħba li jmiss kontra l-Ungerija, li l-Brażil tilfu. Wara affaċċja lill-Portugall, u l-ħafna daħliet vjolenti mid-difensuri Portugiżi ħallew l-effett tagħhom hekk kif Pelé kellu jħalli l-logħba u l-kampjonat innifsu. Suċċessivament, il-Brażil tilfu l-logħba u ġew eliminati fl-ewwel rawnd tat-Tazza tad-Dinja għall-ewwel darba mill-1934. Fi tmiem il-kampjonat, Pelé esprima x-xewqa li ma jilgħabx iktar fit-Tazza tad-Dinja.

It- fil-Messiku kienet it-tielet rebħa tat-titlu. Il-Brażil skjeraw dik li hi kkunsidrata bħala l-aqwa skwadra li qatt eżistiet, iggwidati minn Pelé fl-aħħar finali tat-Tazza tad-Dinja, il-kaptan , , , u . Jairzinho kien it-tieni l-aqwa skorer b'seba' gowls filwaqt li Pelé skorja erbgħa. Mar-rebħ tat-Trofew Jules Rimet għat-tielet darba, il-Brażil setgħu jżommu t-trofew għal dejjem.

Għat-Tazza tad-Dinja tal-FIFA tal-1970, il-ġurnalist Miguel Gustavo kkompona l-innu Pra Frente Brasil (Mur il-Brażil).

Il-perjodu niexef (1970–1994)

Wara l-irtirar mix-xena internazzjonali ta' Pelé u stilel oħra mit-tim tal-1970, il-Brażil waslu sas-semifinali kontra l- tat-. Il-ġenerazzjoni l-ġdida ma setgħetx tiddefendi t-titlu u spiċċat fir-raba' post wara li naqset li tirbaħ lill-Polonja fil-finali għat-tielet u r-raba' post.

L- kienet waħda kontroversjali. Fit-tieni fażi tal-gruppi, il-Brażil kienet qed tiġġieled mal-Arġentina għall-ewwel post fil-grupp li seta' taha l-aċċess għall-finali. Fl-aħħar logħba ta' din il-fażi, il-Brażil għelbu lill-Polonja 3–1 u telgħu fil-quċċata tal-grupp b'differenza ta' gowls ta' +5. L-Arġentina, li kellha differenza ta' gowls ta' +2, irnexxielhom fl-aħħar logħba jegħlbu lill- 6–0 biex ikkwalifikaw għall-finali. Il-Brażil kellhom jikkuntentaw bit-tielet post, meta rebħu lill-Italja 2–1.

Fit-, il-Brażil ħarġu mill-grupp mingħajr ebda oppożizzjoni però telfa ta' 3–2 kontra l-Italja, f'waħda mil-logħbiet klassiċi fl-istorja tat-Tazza, fissret eliminazzjoni. Din il-logħba tibqa' mfakkra bħala d-"Diżastru ta' Sarriá", bil-kowċ jieħu l-biċċa l-kbira tat-tort mill-istampa Brażiljana minħabba li uża sistema offensiva meta dro ta' 2–2 kien ikun biżżejjed. seraq ix-xena bit-tliet gowls għat-Taljani.

Telê Santana u ħafna plejers irritornaw għat- li saret il-Messiku. Il-plejers tal-1986 kienu ixjeh però kienu kapaċi biżżejjed biex jagħmlu prestazzjonijiet eklatanti. Madanakollu, qabel it-Tazza tad-Dinja kien hemm il-biża' li kien weġġa'. Il-mistoqsijiet kontinwi fuq jekk kienx se jkun involut jew le ħallew impatt negattiv fuq it-tim. Il-Brażil iltaqgħu ma' Franza fil-kwarti tal-finali u l-logħba hija meqjusa bħala eżempju klassiku tal-"futbol totali". Iż-żewġ timijiet it-tnejn urew il-qawwa tagħhom, imma meta finalment daħal Zico fit-tieni taqsima (bir-riżultat għadu indaqs), u l-Brażil ingħataw penalty tard fil-logħba, kien jidher li l-Brażil resqin lejn rebħa. Iżda Zico, l-eroj ta' ġenerazzjoni sħiħ ta' benjamini Brażiljani, falla l-penalty. Wara l-ħin barrani, wasal għall-għoti tal-penalties. Din id-darba Zico skorja l-penalty tiegħu għalkemm u naqsu li jagħmlu dan, u minkejja li l-kaptan Franċiż ra x-xutt tiegħu jmur fuq il-minduda, il-Brażil xorta waħda ġew eliminati 4–3.

Għat-, il-Brażil kienu kkowċjati minn , li ftit li xejn kien magħruf qabel it-Tazza. B'mentalità difensiva, li s-simbolu tagħha kien il-midfilder , it-tim kien nieqes mill-kreattività għalkemm wasal għat-tieni rawnd. Kontra tim tal-Arġentina iktar dgħajjef, il-Brażiljani ppressaw bil-kbir u kellhom diversi ċansijiet ta' gowl, imma kien gowl ta' minn suġġeriment ta' Maradona li elimina lill-Brażil.

Ritorn għar-rebħ (1994–2002)

Tazza tad-Dinja 1994

Il-Brażil kellhom jistennew 24 sena sabiex jirbħu titlu ieħor tat-Tazza tad-Dinja jew jipparteċipaw f'finali. Dan ma kienx mingħajr l-intoppi fil-fażi ta' kwalifikazzjoni. Wara dro mingħajr gowls kontra l-, fil-25 ta' Lulju 1993 is-Seleção tilfet l-ewwel partita ta' kwalifikazzjoni fl-istorja kontra l-. Minkejja l-pressjoni tal-ġurnalisti u l-partitarji, il-kowċ baqa' jħalli lil barra mit-tim nazzjonali għal seba' partiti, sakemm ġie mgħajjat għall-aħħar logħba deċiżiva. Kien proprju Romário li skorja darbtejn kontra l-Urugwaj sabiex rebbaħ il-logħba lill-Brażil u kkwalifikaw għat- fl-Istati Uniti bħala l-ewwel fil-grupp tal-CONMEBOL magħmul minn ħames timijiet.

Tazza tad-Dinja 1998

Il-Brażil spiċċaw it-tieni fit-. Mingħajr l-imweġġa' Romário, huma rebħu l-grupp li kien jikkonsisti min-, il- u l-Iskozja b'żewġ rebħiet u telfa kontra l-Iskandinavi. Huma waslu sal-finali wara li għelbu liċ- fir-rawnd tal-aħħar sittax, id-Danimarka fil-kwarti tal-finali u l- fis-semifinali wara l-għoti tal-penalties. Madanakollu, fil-finali t-tim tilef bl-iskor kbir ta' 3–0 kontra Franza, l-ospiti tal-kompetizzjoni. Il-prestazzjoni difensiva fl-azzjonijiet wieqfa kienet diżappuntanti hekk kif skorja darbtejn b'daqqa ta' ras. L-ikbar kritika kienet fuq l-użu tal-istilla Ronaldo minkejja li kien sofra minn attakk epilettiku ftit siegħat qabel il-logħba. L-isem ta' Ronaldo tniżżel fuq il-lista uffiċjali tal-FIFA fl-aħħar istanti, wara konsultazzjoni medika ħafifa. Il-kliem tal-kowċ Zagallo baqgħu famużi, fejn qabel il-finali qal: "Vocês vão ter que me engolir" ("Tridu tibilgħuni issa"), bħala risposta għall-kritika qawwija li rċieva qabel u matul it-Tazza tad-Dinja.

Tazza tad-Dinja 2002

Iggalvanizzati mit-"Tliet R" (Ronaldo, u ), il-Brażil rebħu l-ħames titlu fit-Tazza tad-Dinja 2002 li saret fil-Korea t'Isfel u l-Ġappun. Dan ġara minkejja fażi ta' kwalifikazzjoni difettuża li rat lit-tim jaqa' għall-agħar pożizzjoni fil-klassifika tal-FIFA, u assiguraw biss minn post fil-fażi finali minħabba li l- u l-Urugwaj naqsu li jirbħu l-aħħar logħbiet tagħhom.

It-tlugħ tal-poloz ra lill-Brażil jitpoġġa fi grupp vantaġġjuż flimkien mat-Turkija, iċ- u l-. Il-Brażil rebħu lit-tliet timijiet fejn skorjaw ħdax-il gowl u sofrew tlieta biss, biex kisbu l-ewwel post fil-grupp. Fir-rawnd suċċessiv għelbu lill-Belġju 2–0 u fil-kwarti tal-finali eliminaw lill-Ingilterra grazzi għal gowl tal-istilla żagħżugħa Ronaldinho. Fis-semifinali reġgħu ltaqgħu mat-Turkija u għal darb'oħra kien konfront diffiċli. Is-Sud-Amerikani qatgħu biljett għall-finali b'rebħa minima ta' 1–0 b'gowl ta' Ronaldo. Rivaldo, li kien skorja ħames gowls fil-logħbiet preċedenti, baqa' b'xejn, biex b'hekk ma rnexxielux jegwalja r-rekord ta' , li kien skorja f'kull logħba tat-Tazza tad-Dinja 1970. Fit-tielet finali konsekuttiva, il-Brażil sabet lill-Ġermanja għall-ewwel darba fl-istorja u rebħet 2–0 b'doppjetta ta' Ronaldo. Il-kaptan lagħab it-tielet finali konsekuttiva tal-kampjonat, biex waqqaf rekord ġdid.

Ir-ritorn ta' Pareira (2002–06)

Fid-29 ta' Ġunju 2005, il-Brażil rebħu t- għat-tieni darba b'rebħa kbira ta' 4–1 kontra r-rivali tal-Arġentina fi Frankfurt, il-Ġermanja. Sena qabel waslet rebħa oħra wara l-għoti tal-penalties fil- kontra l-istess Arġentina.

Tazza tad-Dinja 2006

Il-kowċ bena t-tim taħt il-formazzjoni ta' 4-2-2-2, mibnija madwar l-erba' stilel offensivi: Ronaldo, , Kaká u .

Minkejja li rebħu l-ewwel żewġ logħbiet kontra l-Kroazja (1–0) u l-Awstralja (2–0), it-tim ftit li xejn irnexxielu jwassal il-futbol kreattiv imwiegħed, hekk kif il-Brażil kien qegħdin isibuha diffiċli biex joħolqu opportunitajiet, u kienu biss Kaká u Adriano li sabu l-gowl fil-kmompetizzjoni. Għall-aħħar logħba tal-grupp kontra l-, Parreira għamel numru ta' bidliet, fejn neħħa numru ta' plejers veterani għal oħrajn żgħażagħ, fosthom u . Il-bidliet ħallew l-effett hekk kif il-Brażil rebħu bi skor konvinċenti ta' 4–1, b'Ronaldo jiskopri l-vena tal-gowls b'żewġ gowls li ugwaljaw ir-rekord għall-aktar gowls skorjati fit-Tazza tad-Dinja.

Fir-rawnd tal-aħħar 16, il-Brażil rebħu lill- 3–0, b'Ronaldo u Adriano jsibu x-xibka. Il-gowl ta' Ronaldo kien il-15-il wieħed fl-istorja tat-Tazza tad-Dinja, rekord ġdid. Għal-logħba ta' wara, minkejja li Parreira reġa' qabel għal formazzjoni iktar bilanċjata b'Ronaldo bħala l-uniku attakkant, sostnut minn Kaká u Ronaldinho, il-Brażil ġew eliminati fil-kwarti tal-finali kontra Franza, b'gowl ta' fit-tieni taqsima.

Kuluri

L-ewwel kuluri tal-Brażil kienu abjad b'kullar blu, imma wara t-telfa fil-finali tat-Tazza tad-Dinja tal-Futbol 1950 fil-Maracanã, il-kuluri kienu meqjusa ftit li xejn patrijottiċi. B'permess mill-Konfederazzjoni Sportiva Brażiljana, il-gazzetta Correio da Manhã għamlet kompetizzjoni għad-disinn tal-uniformi li tinkludi l-erba' kuluri tal-bandiera Brażiljana. Id-disinn rebbieħ kien flokk isfar b'burdura ħadra u xorts blu b'burdura bajda ddisinjat minn Aldyr Garcia Schlee, tfajjel ta' dsatax-il sena minn . Il-kuluri l-ġodda ntużaw għall-ewwel darba f'Marzu tal-1954 f'logħba kontra ċ-, u għadhom jiġu wżati sal-lum.

L-użu tal-blu bħala l-kulur tal-logħob barra minn darhom tmur lura għas-snin tletin, imma saret xi ħaġa permanenti b'mod każwali fil-finali tat-. Il-finalisti l-oħra tal-Iżvezja wkoll jilbsu l-isfar u wara t-tlugħ tax-xorti ntgħażlu huma ngħataw id-dritt li jilbsu l-isfar. Il-Brażil, li magħhom ma ġabu l-ebda flokkijiet żejda, xtraw sett ta' flokkijiet bluni u ħietu fuqhom l-emblemi maqtugħa mill-flokkijiet is-sofor.

1914

1916

1917

1918

1919

1919–1945

1945–1950

1950–1953

mill-1954

Plejers

Skwadra attwali

It-23 plejer li jmiss intgħażlu għat-Tazza tad-Dinja 2014. In-numru ta' preżenzi u gowls hu sat-12 ta' Ġunju, 2014, wara l-logħba kontra l-Kroazja.

Nru.	Poż.	Plejer	Data tat-twelid (età)	Preżenzi	Gowls	Klabb
1	1G		2 ta' Jannar 1983 (1983-01-02) (42 sena)	9	0
12	1G		3 ta' Settembru 1979 (1979-09-03) (45 sena)	81	0
22	1G		21 ta' Jannar 1983 (1983-01-21) (42 sena)	6	0
2	2D		6 ta' Mejju 1983 (1983-05-06) (42 sena)	76	6	Barcelona
3	2D	(Kaptan)	22 ta' Settembru 1984 (1984-09-22) (40 sena)	47	2	Paris Saint-Germain
4	2D		22 ta' April 1987 (1987-04-22) (38 sena)	37	0	Paris Saint-Germain
6	2D		12 ta' Mejju 1988 (1988-05-12) (37 sena)	32	4	Real Madrid
13	2D		18 ta' Ottubru 1983 (1983-10-18) (41 sena)	12	2	Bayern Munich
14	2D		27 ta' Awwissu 1981 (1981-08-27) (43 sena)	9	0	Paris Saint-Germain
15	2D		14 ta' Ottubru 1986 (1986-10-14) (38 sena)	5	0
23	2D		26 ta' Lulju 1981 (1981-07-26) (43 sena)	72	7
5	3M		4 ta' Mejju 1985 (1985-05-04) (40 sena)	7	1
8	3M		25 ta' Lulju 1988 (1988-07-25) (36 sena)	27	5
11	3M		9 ta' Settembru 1991 (1991-09-09) (33 sena)	32	10	Chelsea
16	3M		24 ta' Marzu 1987 (1987-03-24) (38 sena)	43	4	Chelsea
17	3M		23 ta' Lulju 1987 (1987-07-23) (37 sena)	20	1
18	3M		29 ta' Mejju 1985 (1985-05-29) (40 sena)	25	2	Internazionale
19	3M		9 ta' Awwissu 1988 (1988-08-09) (36 sena)	7	2	Chelsea
20	3M		8 ta' Settembru 1992 (1992-09-08) (32 sena)	12	1
7	4A		25 ta' Lulju 1986 (1986-07-25) (38 sena)	36	9
9	4A		3 ta' Ottubru 1983 (1983-10-03) (41 sena)	34	17
10	4A	Neymar	5 ta' Frar 1992 (1992-02-05) (33 sena)	50	33	Barcelona
21	4A	Jô	20 ta' Marzu 1987 (1987-03-20) (38 sena)	17	5

L-aktar preżenzi

Aġġornati sat-12 ta' Ġunju, 2014

#	Isem	Preżenzi	Gowls	Perjodu
1		142	5	1990–2006
2		125	11	1992–2006
3		105	4	2000–2011
4		104	0	1988–1998
5		98	3	1952–1968
	Ronaldo	98	62	1994–2011
		98	33	1999–2013
8		94	0	1953–1969
9		93	3	2001–2010
10	Pelé	92	77	1957–1971
		92	26	1965–1978
		92	27	2003–2013

L-aktar gowls

Aġġornati sat-12 ta' Ġunju, 2014

#	Isem	Gowls	Preżenzi	Perjodu
1	Pelé	77	92	1957–1971
2		66	88	1976–1986
3	Ronaldo	62	98	1994–2011
4		55	70	1987–2005
5		39	75	1985–1998
6		34	74	1993–2003
7		33	81	1964–1982
		33	98	1999–2013
	Neymar	33	50	2010–2014
10		32	54	1966–1972
		32	39	1945–1953

Referenzi

1. ^ Flimkien ma' Franza, il-Brażil huwa wkoll l-uniku tim li daħal f'kull Tazza tad-Dinja u lagħab minn tal-inqas fil-kwalifikazzjoni (l-Istati Uniti wkoll ħadu sehem f'kull Tazza tad-Dinja, imma darba minnhom irtiraw qabel bdew il-kwalifikazzjonijiet).
2. ^ "Beckenbauer diz que Brasil de 1970 foi melhor seleção de todos os tempos" (bil-Portugiż). Gazeta do Povo. 2013-03-10.
3. ^ McGowan, Tom (2012-07-05). "Soccer great Zico: Brazil '58 best team ever" (bl-Ingliż). CNN.
4. ^ Pitt-Brooke, Jack (2012-07-03). "The greatest team of all time: Brazil 1970 v Spain 2012" (bl-Ingliż). The Independent.
5. ^ "Spain win again to extend unbeaten streak" (bl-Ingliż). CNN. 2009-06-20. Arkivjat minn l-oriġinal fl-2014-10-09. Miġbur 2014-06-13.
6. ^ ^{a b} Dart, Tom (2009-05-15). "Magic of Brazil comes to a corner of Devon" (bl-Ingliż). The Times. Arkivjat minn l-oriġinal fl-2021-02-14. Miġbur 2014-06-13.
7. ^ ^{a b} Bellos, Alex (2004-05-31). "Grecians paved way despite kick in teeth" (bl-Ingliż). The Guardian. Miġbur 2014-06-13.
8. ^ "Exeter fix dream date against Brazil" (bl-Ingliż). The Daily Telegraph. 2004-04-23. Miġbur 2014-06-13.
9. ^ Danielle Demetriou (2004-05-31). "Brazil's past masters out-samba Exeter in 90-year rematch" (bl-Ingliż). The Independent. Miġbur 2014-06-13.
10. ^ "World Cup and U.S. soccer history: 1950–1970" (bl-Ingliż). USA Today. 2006-05-09. Miġbur 2014-06-13.
11. ^ Garrincha 122.
12. ^ "The King of football" (bl-Ingliż). FIFA.com. Miġbur 2014-06-13.
13. ^ "PELE – International Football Hall of Fame" (bl-Ingliż). Ifhof.com. Miġbur 2014-06-13.
14. ^ "Brazil in the World Cup 1998 - France". v-brazil.com (bl-Ingliż). Arkivjat minn l-oriġinal fl-2014-07-01. Miġbur 2014-06-14.
15. ^ Dias, Thiago (2007-07-16). "Zagallo: 'Vão ter que engolir o Dunga'" (bil-Portugiż). GloboEsporte. Miġbur 2014-06-14.

Ħoloq esterni

• (EN) Brażil fuq FIFA.com
• (PT) Sit uffiċjali tal-Federazzjoni Brażiljana