It Tazza tad Dinja tal Futbol 1930 kienet l edizzjoni inawgurali tat Tazza tad Dinja tal FIFA il kampjonat internazzjona

It-Tazza tad-Dinja tal-Futbol 1930 kienet l-edizzjoni inawgurali tat-Tazza tad-Dinja tal-FIFA, il-kampjonat internazzjonali għat-timijiet nazzjonali tal-futbol tal-irġiel. Din saret ġewwa l-Urugwaj bejn it-13 u t-30 ta' Lulju 1930. Il-FIFA, il-federazzjoni internazzjonali li tiggverna l-futbol, għażlet l-Urugwaj bħala l-pajjiż ospitu minħabba li l-pajjiż kien se jiċċelebra ċ-ċentinarju mill-ewwel kostituzzjoni tiegħu, u t-tim nazzjonali tal-Urugwaj irnexxielu jirbaħ il-kompetizzjoni tal-futbol fil-. Il-logħbiet kollha ntlagħbu fil-kapitali Urugwajana ta' Montevideo, il-maġġornaza fl-Estadio Centenario, li ġie mibni speċifikament għal dan il-kampjonat.

Tazza tad-Dinja tal-Futbol 1930
1er Campeonato Mundial de Futbol
Kartellun uffiċjali
Dettalji tal-kompetizzjoni
Pajjiż ospitanti	Urugwaj
Dati	13 ta' Lulju – 30 ta' Lulju
Parteċipanti	13 (minn 6 konfederazzjonijiet)
Grawnds	3 (f'belt ospitanti)
Pożizzjonijiet finali
Rebbieħ	Urugwaj
It-Tieni post	Arġentina
It-Tielet post	Stati Uniti
Ir-Raba' post	Jugożlavja
Statistika tal-kompetizzjoni
Partiti	18
Gowls skorjati	80 (4.44 kull logħba)
Attendenza	434,500 (24,139 kull logħba)
L-aqwa skorer(s)	Guillermo Stábile (8 gowls)
1934 →

Tlettax-il tim, sebgħa mill-Amerika t'Isfel, erbgħa mill-Ewropa u tnejn mill-Amerika ta' Fuq daħlu għal din il-kompetizzjoni. In-nuqqas fin-numru ta' timijiet Ewropej kien minħabba d-diffikultajiet sabiex jivvjaġġaw lejn l-Amerika t'Isfel. It-timijiet ġew maqsuma f'erba' gruppi, bir-rebbieħ ta' kull wieħed minnhom jgħaddi għas-semifinali. L-ewwel żewġ logħbiet tat-Tazza tad-Dinja intlagħbu fl-istess ħin u ġew mirbuħa minn Franza u l-Istati Uniti, li għelbu lill-Messiku 4–1 u lill-Belġju 3–0, rispettivament. Lucien Laurent ta' Franza kien li skorja l-ewwel gowl fl-istorja tat-Tazza tad-Dinja, waqt li l-gowler Amerikan Jimmy Douglas żamm l-ewwel xibka mhux mittiefsa tal-kampjonat.

L-Arġentina, l-Urugwaj, l-Istati Uniti u l-Jugożlavja lkoll rebħu l-gruppi rispettivi tagħhom sabiex ikkwalifikaw għas-semifinali. Fil-finali, il-favoriti Urugwaj għelbu lill-Arġentina 4–2 quddiema 93,000 ruħ, u b'hekk sar l-ewwel pajjiż li rebħu t-Tazza tad-Dinja.

Parteċipanti

L-ewwel edizzjoni tat-Tazza tad-Dinja kienet l-unika waħda mingħajr kwalifikazzjoni. Kull pajjiż affiljat mal-FIFA ġie mistieden biex jikkompeti u kellu jagħti d-deċiżjoni tiegħu sat-28 ta' Frar 1930. Kienu ħafna pajjiżi fl-Amerika li wrew interess: l-Arġentina, il-Brażil, il-, iċ-, il-Messiku, il-, il- u l-Istati Uniti kollha daħlu. Total ta' seba' pajjiżi mill-Amerika t'Isfel ħadu sehem, b'dan in-numru jibqa' l-iktar wieħed fl-istorja ta' pajjiżi minn dan ir-reġjun. Madanakollu, minħabba t-tul u l-ispiża involut fit-traġitt fuq l-Oċean Atlantiku, kienu ftit il-pajjiżi Ewropej li xtaqu jipparteċipaw. Fil-fatt, sal-aħħar ta' Frar l-ebda pajjiż Ewropew ma rrisponda għall-istedina li saret. F'tentattiv sabiex tikseb parteċipazzjoni Ewropea, l- bagħtet ittra lill-, anke jekk il-Home Nations ma kinux membri tal-FIFA sa dakinhar. Din ġiet rifjutata mill-Kumitat tal-FA fit-18 ta' Novembru 1929. Xahrejn qabel il-bidu tal-kampjonat, l-ebda tim Ewropew ma kien għadu daħal.

Wara l-intervent tal-president tal-FIFA Jules Rimet, erba' pajjiżi għamlu l-vjaġġ fuq il-baħar: il-Belġju, Franza, ir-Rumanija u l-Jugożlavja. Ir-Rumeni, immexxija minn u kkowċjati mill-kaptan tagħhom u , daħlu fil-kompetizzjoni wara l-intervent tar-re l-ġdid tagħhom, . Hu għażel l-iskwadra personalment u għamel qbil mal-impjegati sabiex jassiguraw illi l-plejers ikollhom xorta waħda x-xogħol mar-ritorn tagħhom. Il-Franċiżi daħlu wara l-intervent personali ta' Rimet, però la d-difensur stilla Manuel Anatol u lanqas il-kowċ ma ġew persważi biex jagħmlu l-vjaġġ. Il-parteċipazzjoni tal-Belġjani ġiet instigata mill-viċi-president tal-FIFA .

Ir-Rumeni mbarkaw l-SS Conte Verde minn Ġenova, il-Franċiżi telgħu abbord f' fil-21 ta' Ġunju 1930, u l-Belġjani nġabru minn Barċellona. Dan il-vapur kellu fuqu wkoll lil Rimet, it-trofew u tlett referis Ewropej: il-Belġjani u , flimkien mal-Franċiż Thomas Balway. It-tim Brażiljan imbarka meta l-vapur trakka f'Rio de Janeiro fid-29 ta' Ġunju qabel ma wasal l-Urugwaj fl-4 ta' Lulju. Il-Jugożlavi vvjaġġaw f'vapur bil-fwar Florida minn Marsilja.

“ Qattajna ħmistax-il jum fuq il-Conte Verde sabiex nilħqu l-Amerika t'Isfel. L-eżerċizzji bażiċi konna nagħmluhom isfel u konna nittħarġu fuq il-gverta tal-vapur. Il-kowċ tagħna qatt ma kien ikellimna dwar tattika għal kollox... ”

—Lucien Laurent, plejer Franċiż

Taqsira tat-turnew

Grupp 1

“ Konna qegħdin naffrontaw 'il-Messiku u kien nieżel is-silġ, minħabba li fl-emisferu tan-Nofsinhar kien ix-xitwa. Wieħed minn sħabi qassam il-ballun u jien segwejt it-trajettorja b'attenzjoni u lqattu fil-għoli bil-lemin. Konna kollha kuntenti, imma ma ċċelebrajniex – ħadd ma fehem li konna għaddejna fl-istorja. Kemm ħadna b'idejn xulxin u komplejna nilgħabu. Lanqas ma ngħatajna xi kumpens partikulari: f'dak iż-żmien konna biss dilettanti. ”

—Lucien Laurent dwar il-gowl tiegħu, l-ewwel wieħed fl-istorja ta' din il-kompetizzjoni

L-ewwel grupp kien l-uniku grupp li kellu erba' timijiet: l-Arġentina, iċ-, Franza u l-Messiku. Jumejn wara l-ewwel rebħa kontra l-Messiku, il-Franċiżi sabu quddiem wiċċhom il-favorita tal-grupp: l-Arġentina. Il-Franċiżi ġew imblukkati bi plejers li sofrew problemi fiżiċi: il-gowler Thépot kellu jabbanduna l-logħba wara 20 minuta u Laurent, wara daħla minn Luis Monti, zappap matul il-logħba kollha. Madanakollu, l-Arġentini kellhom jistennew sal-81 minuta biex jiskorjaw meta l-istess Monti skorja frikik minn 25 metru. Il-partita kienet karatterizzata minn episodju kontroversjali: ir-referì bi żball saffar tmiem il-partita sitt minuti qabel, proprju meta l-attakkant Franċiż Marcel Langiller kien se jiskorja. Kien wara invażjoni fil-grawnd u l-protesti tal-pubbliku u xi membri tal-eżekuttiv Franċiżi li kkonvinċew lill-uffiċċjal tal-logħba sabiex jilgħab is-sitt minuti li kien għad baqa'.

Minkejja li Franza kienu niżlu jilgħabu darbtejn f'temp ta' 48 siegħa, iċ-Ċili kien għadu ma ġiex involuti. It-tim mill-Amerika t'Isfel lagħab il-Messiku fil-ġurnata ta' wara, fejn rebħu bl-iskor konvinċenti ta' 3–0.

Fit-tieni partita tal-Arġentina, kontra l-Messiku, ġie msaffar l-ewwel penalty tal-istorja tal-kampjonat. Skont kif irrakkuntat minn – ir-referì tal-finali u xhieda okulari tal-partita – ġew mogħtija total ta' ħames penalties, tlieta minnhom kontroversjali, f'logħba rrefjata mill-kowċ tal- . Barra minn hekk il-ballun ġie pożizzjonat 14-il metru 'l bogħod mil-linja tal-gowl, minflok 11-il metru skont ir-regoli. Mill-ħames penalties, wieħed biss ġie skurjat. Guillermo Stábile skorja tripletta fid-debutt tiegħu u l-Arġentina rebħu 6–3 minkejja n-nuqqas tal-kaptan Manuel Ferreira, li kellu jirritorna lura lejn Buenos Aires sabiex jagħmel eżami tal-liġi. Zumelzú impressjona wkoll b'doppjetta.

Il-kwalifikazzjoni ġiet deċiża fl-aħħar ġurnata tal-grupp, milgħuba bejn l-Arġentina u ċ-Ċili fit-22 ta' Lulju. Stábile ikkonferma lilu nnifsu bħala attakkant prim fejn fil-bidu tal-logħba skorja darbtejn. Fil-15-il minuta, iċ-Ċili naqqsu d-distakk b'Subiabre li sfrutta żball tal-gowler Bossio. Il-partita involviet ġlieda li faqqet wara daħla ta' Monti fuq . Din qajjmet għagħa sħiħa fit-tribuna qalb il-partitarji li involviet daqqiet ta' ponn, bżieq u daqqiet ta' saqajn li kellha tiġi kkontrollata mill-pulizija fuq iż-żwiemel. Lejn tmiem il-logħba Evaristo għeleb għat-tielet darba lil sabiex l-Arġentina ħarġu rebbieħa 3–1 u kisbu post fis-semifinali.

Grupp 2

It-tieni grupp kien iffurmat mill-Brażil, il- u l-Jugożlavja. Il-Brażil ġabu magħhom skawdra ffurmata kollha minn futbolers tal-, bl-eċċezzjoni ta' ta' li kien jilgħab fil-. Is-Seleção, li ħafna kienu qegħdin jistennew li jirbħu l-grupp, tilfu l-logħba inawgurali kontra l-Jugożlavja bl-iskor ta' 2–1, li kellha tkun ir-rebbieħa eventwali tal-grupp.

L-iskadwra Slava kienet tinkludi diversi plejers emigranti u sejjħet minn Franza lil Bek, u . Il-midfilder laterali Tirnanić, li aktar tard kellu jservi bħala kowċ tat-tim nazzjonali, u Marjanović kienu fost il-pedini importanti u l-gowler ikkonferma ruħu bħala wieħed mill-aqwa fit-turnew.

Fil-logħba segwenti, il-Bolivja, li kienet għadha qiegħda tistenna l-ewwel rebħa internazzjonali tagħha, niżlet fil-grawnd kontra l-Ewropej. Is-Sud-Amerikani għal din l-okkażjoni libsu flokkijiet partikulari – kull waħda minnhom kellha ittra fuqha – li bl-iskawdra f'linja kienet taqra "Viva Uruguay" bħala ġieħ lejn l-ospiti tal-kompetizzjoni. Minkejja dan, il-Bolivja ftit li xejn ħalliet marka hekk kif tilfet iż-żewġ partiti tagħha bi skor kbir. Kontra l-Jugożlavja rnexxielhom jżommu sod sa siegħa logħba, sakemm sat-tisfira finali r-riżultat kien juri telfa ta' 4–0. Diversi gowls tal-Bolivjani ġew imħassra. Il-partita ntlagħbet f'temperatura ta' 10 gradi taħt iż-żero.

Kontra l-Brażil, fl-aħħar logħba li ma kienet issarraf xejn minħabba li ż-żewġ timijiet kienu diġà eliminati, ir-riżultat sa tmiem l-ewwel taqsima kien juri vantaġġ ta' 1–0 għall-Brażil. Matul l-ewwel 45 minuta kien hemm konfużjoni sħiħa bejn il-plejers fil-grawnd li kellhom flokkijiet tal-istess kulur. daħħal il-plejers tiegħu wara l-mistrieħ bi flokkijiet oħrajn; fit-tieni taqsima, il-Brażiljani skorjaw tliet darbiet oħra, tnejn minnhom mill-atleta Preguinho.

Grupp 3

L-ospiti tal-Urugwaj, ikkunsidrati bħala l-favoriti għar-rebħ tat-titlu quddiem l-Arġentina u l-Brażil, kienu jiffurmaw it-tielet grupp mal- u r-Rumanija. Fl-ewwel logħba bejn ir-Rumanija u l-Perù kien hemm l-ewwel tkeċċija, dik tal-Peruvjan fis-70 minuta. Ir-Rumeni sfruttaw il-vantaġġ numeriku u skorjaw żewġ gowls fl-aħħar minuti u ħarġu rebbieħa 3–1. Din il-logħba tibqa' mfakkra għall-iżgħar attendenza qatt rikordjata fl-istorja tat-Tazza tad-Dinja. L-ispettaturi – uffiċjalment 2,549 – kienu fil-verita madwar 300.

Qabel id-debutt, l-Urugwajani għamlu erba' ġimgħat ta' taħriġ u skeda riġida. Il-gowler (diġà ċampjin Olimpiku għal darbtejn) inqabad mill-kowċ dieħel tard filgħaxija wara li kien żar lil martu, u b'konsegwenza t'hekk ġie eskluż mill-iskwadra. Postu ħadu .

Kawża tad-dewmien fil-preparazzjoni tal-Estadio Centenario, id-debutt tal-Urugwaj ġie pospost għal ħamest ijiem wara l-bidu tal-kompetizzjoni. L-inawgurazzjoni tal-impjant, eżattament 100 sena wara t-twelid tal-Kostituzzjoni Urugwajana, ġiet preċeduta minn ċerimonja sabiex tiċċelebra ċ-ċenitarju tar-Repubblika. L-ospiti rebħu bl-iskor minimu ta' 1–0 kontra l-Perù. L-istampa tal-pajjiż ftit li xejn ħadet gost bil-prestazzjoni tat-tim, waqt li fil-Perù l-ġurnalisti taw ġieħ lill-kompatrijotti tagħhom.

L-Urugwaj għelbu lir-Rumanija b'mod iktar faċli, b'riżultat ta' 4–0 li wasal fl-ewwel taqsima u li nżamm sal-aħħar. B'hekk l-Urugwaj kisbu post fis-semifinali.

Grupp 4

L-Istati Uniti, li fosthom kellhom diversi plejers Brittaniċi emigranti, iddominaw ir-raba' grupp b'żewġ rebħiet konvinċenti kontra l-Belġju u l-. Il-plejers Amerikani, ħafna minnhom debuttanti, spikkaw rwieħhom għall-fiżiċità imponenti tagħhom. Fl-ewwel logħba għelbu b'riżultat mhux mistenni ta' 3–0 kontra l-Belġjani. Il-gazzetta Urugwajana Imparcial kitbet: "ir-rebħa kbira tal-Amerikani tassew issorprendiet lill-esperti". Il-Belġajni – li kellhom jirrinunzjaw għal , wieħed mill-aħjar minn tagħhom – ilmentaw fuq il-kundizzjonijiet tal-grawnd u d-deċiżjonijiet tar-referì fejn saħqu li kien hemm offside fl-azzjoni li wasslet għat-tieni gowl.

It-tieni konfront tal-grupp bejn l-Istati Uniti u l-Paragwaj (3–0), li ntlagħbet f'kundizzjonijiet ta' riħ qawwi, rat l-ewwel tripletta tal-kompetizzjoni skorjata minn Bert Patenaude. Bl-Istati Uniti diġà kwalifikati, l-aħħar partita kienet inutli, bil-Paragwajani joħorġu rebbieħa kontra l-Belġani.

Semifinali

L-erbgħa rebbieħa tal-grupp rispettiv tagħhom (l-Arġentina, il-Jugożlavja, l-Urugwaj u l-Istati Uniti) għaddew għas-semifinali fejn iż-żewġ konfronti spiċċaw bl-istess riżultat.

L-ewwel li ntlagħbet kienet dik bejn l-Arġentina u l-Istati Uniti fis-26 ta' Lulju ġewwa l-Estadio Centenario, liema grawnd kien mgħarraq bl-ilma tax-xita. Kienet partita vjolenti; l-Amerikani tilfu lill-midfilder tagħhom li kiser saqajh wara 10 minuti logħob. L-ewwel taqsima għalqet bl-Arġentina gowl vantaġġ grazzi għal gowl ta' Monti fl-20 minuta. Fit-tieni taqsima l-Amerikani ġew assedjati u sofrew mill-veloċità tal-attakkanti tal-albiceleste. Il-partita ntemmet 6–1 favur l-Arġentini.

Is-semifinali l-oħra bejn l-Urugwaj u l-Jugożlavja saret il-ġurnata ta' wara. L-Islavi marru fil-vantaġġ wara ftit minuti b'gowl ta' Vujadinović. F'temp ta' kwarta l-Urugwaj qallbu l-iskor għal 2–1. Lejn tmiem l-ewwel taqsima l-Jugożlavja raw gowl tagħhom jiġi mħassar fuq dubju ta' offside. B'erba' gowls oħra, l-ospiti ġabu l-iskor finali għal 6–1, bil-protagonista jkun Pedro Cea, awtur ta' tripletta.

Kontroversja fuq il-finali għat-3/4 post

Il-finali tradizzjoni għat-tielet u r-raba' post ġiet imnedija fl-edizzjoni tal-1934. B'hekk, it-Tazza tad-Dinja 1930 hija l-unika waħda mingħajr din il-partita, li dejjem intlagħbet bejn is-semifinali u l-finali. Xi fonti, b'mod partikulari l-gazzetta tal-FIFA tal-1984, taw ħjiel li kien hemm xi forma ta' konfront validu għat-tielet u r-raba' post, mirbuħ mill-Jugożlavja 3–1. Min-naħa l-oħra, skont sorsi oħrajn, il-konfront kien fil-programm però qatt ma ntlagħab. Skont x'ġie miktub mill-ġurnalist Urugwajan Hyder Jawad fil-ktieb tiegħu Four Weeks In Montevideo: The Story of World Cup 1930, ippubblikat fl-2009, il-Jugożlavja rrifjuatat li tilgħab minħabba li m'għoġobiex l-irreffjar tas-semifinali kontra l-ospiti tal-kompetizzjoni, fejn ikkunsidrawh bħala imparzjali.

Kummissjoni teknika tal-FIFA irrappurtat fl-1986 il-pożizzjoni finali tat-timijiet kollha li ħadu sehem fl-edizzjonijiet preċedenti tat-Tazza tad-Dinja: f'din il-klassifika l-Istati Uniti huma fit-tielet u l-Jugożlavja r-raba', kif għandhom jiġu kkunsidrati llum il-ġurnata.

Fl-2010, it-tifel ta' Kosta Hadži, kap tad-delegazzjoni fit-Tazza tad-Dinja 1930 u viċi-president tal-federazzjoni tal-futbol tal-Jugożlavja ta' dak iż-żmien, iddikjara li l-Jugożlavja, bħala tim, ġiet ippremjata b'midalja tal-bronż miżmuma sal-lum il-ġurnata mill-familja Hadži. Dejjem skont Hadži, il-Jugożlavja ġiet ikkunsidrata bħala t-tielet minħabba li tilfet is-semifinali kontra ċ-ċampjins eventwali tal-Urugwaj. L-oriġini u l-awtentiċità ta' din il-midalja għadhom mhumiex rikonoxxuti.

Finali

Ir-rebħiet tal-Urugwaj u l-Arġentina fis-semifinali wasslu lit-tnejn li huma sal-finali. Sentejn qabel it-tnejn li huma kienu protagonisti tal-finali tal-, f'partita li baqgħet tissejjaħ bħala "l-isbaħ partita tal-futbol ta' kull żmien", mirbuħa mis-Celeste 2–1. Il-finali ntlagħbet fit-30 ta' Lulju ġewwa l-Estadio Centenario, taħt xita ta' borra (avveniment rari f'Montevideo).

Il-port ta' kien mimli attività. L-għaxar vapuri li kellhom jittrasportaw il-partitarji Arġentini ta' Buenos Aires lejn Montevideo u l-biċċiet tal-baħar l-oħra li ġew magħmula disponibbli ma kinux biżżejjed. Huwa stmat li bejn 10,000 u 15,000 Arġentin għamlu l-vjaġġ, imma l-port ta' Montevideo kien tassew mimli li ħafna żbarkaw biss fit-tisfira tal-bidu tal-partita, fejn kien għad baqalhom jilħqu l-grawnd. Fid-dħul fil-grawnd kull spettatur ġie mfittex sabiex jaċċertaw li ma jkunx hemm armi. Il-gradi nfetħu fit-tmienja ta' filgħodu, sitt sigħat qabel il-bidu, u f'nofsinhar il-grawnd kien mimli. L-attendenza uffiċjali kienet ta' 93,000 ruħ.

Il-jiem li ppreċedew il-logħba kienu mimlija tensjoni. Ħafna plejers Urugwajani rċevew theddid ta' mewt min-naħa ta' partitarji Arġentini. Fis-sigħat ta' qabel il-finali xi nies marru qrib il-post fejn kienu qegħdin jitħarrġu l-Arġentini fejn iddisturbawhom b'kant u theddid. Luis Monti ġie intimidit, però xorta waħda niżel fil-grawnd. L-istess xorti messet lir-referì tal-logħba, il-Belġjan , li mpona lill-FIFA ftit sigħat qabel il-bidu tal-logħba li jkollu sigurtà fuq ħajtu. Hu ngħata mal-mitt pulizija għad-dispożizzjoni u vapur lest li jitlaq madwar siegħa minn tmiem il-logħba f'każ li jkollu bżonn jaħrab.

L-Urugwaj għamlu bidla fil-formazzjoni minn dik li ntlagħbet fis-semifinali minħabba li Anselmo kellu jaqbeż din il-logħba kawża ta' attakk ta' paniku. Skont fonti oħrajn, Anselmo – fost l-aħjar tal-Uruguwaj – talab li ma jinżilx fil-grawnd mingħajr ma ta raġuni partikulari, li probabilment kienet il-biża' li jaffronta l-markatura aggressiva ta' Monti. Postu ħadu Castro, attakkant nieqes minn idu l-leminija li kien tilifha f'inċident fuq il-post tax-xogħol fl-età ta' 13-il sena, li għan-nuqqas fuq il-lat tekniku kien jagħel għaliha fil-ġiri kontinwu. L-Arġentina kellha tilgħab mingħajr l-imweġġa' Zumelzú u Varallo, imma t-tieni wieħed xorta waħda ġie skjerat mal-ewwel ħdax.

Il-kronaki ta' dak iż-żmien irrakuntaw fuq logħba li ma ddiżappuntatx l-aspettativi, fejn iż-żewġ timijiet ħarġu fuq l-offensivi bit-tnejn jilgħabu b'ħames attakkanti.

Pablo Dorado għall-Urugwaj skorja l-ewwel gowl b'xutt fil-baxx mil-lemin. Ir-risposta tal-Arġentina ma tantx damet ma waslet u tmien minuti wara ġabu l-iskor indaqs: Carlos Peucelle irċieva ballun minn Ferreira, qabeż plejer u skorja minn xutt qawwi li l-gowler Urugwajan ma seta' jagħmel xejn. Aktar tard Stábile, l-aqwa skorer tat-turnew, skorja t-tmien u l-aħħar gowl tiegħu, fejn tefa' lill-Arġentina 2–1 minn fuq. Il-kaptan Urugwajan Nasazzi ipprotesta għalxejn wara li sostna li Stábile kien f'pożizzjoni irregolari. Fit-tieni taqsima l-Urugwaj sar aktar kuraġġjuż u tejjeb il-logħob tiegħu. Monti falla l-okkażjoni għat-3–1 għall-Arġentina u fl-azzjoni li segwiet, l-Urugwaj ġabu l-gowl tad-dro permezz ta' Pedro Cea. Għaxar minuti wara gowl ta' Santos Iriarte ta vantaġġ lill-Urugwaj u lejn l-aħħar Castro kien imissu biex jiskorja l-gowl li ssiġilla r-rebħa ta' 4–2. Langenus saffar it-tisfira finali u l-Urugwaj żiedu t-titlu ta' ċampjins tad-dinja wara t-titlu ta' ċampjins Olimpiċi.

Jules Rimet ippreżenta t-trofew tat-Tazza tad-Dinja – li aktar tard ħa ismu – lill-president tal- Raúl Jude. Il-ġurnata ta' wara ġiet iddikjarata bħala festa nazzjonali fl-Urugwaj; fil-kapitali Arġentina Buenos Aires ġemgħa bdiet titfa' l-ġebel lejn il-konsolat Urugwajan.

Skont l-analisi tal-kritika u tal-istess plejers Arġentini, l-albiceleste – li fuq il-pjan tekniku kienu superjuri – tilfet il-finali kawża tan-nuqqas ta' organizzazzjoni fid-difiża. Kollha kienu qegħdin jaħsbu biex jattakkaw. L-Urugwaj, min-naħa l-oħra, għażlet li tilgħab fuq il-kontrattakk fejn sfruttat l-ispazji vojta li tħallew mill-avversarji, u dan kien il-punt kruċjali tas-suċċess.

Fi tmiem it-Tazza tad-Dinja, Franza, il-Jugożlavja u l-Istati Uniti kollha lagħbu logħbiet ta' ħbiberija fl-Amerika t'Isfel. Il-Brażil lagħab ma' Franza nhar l-1 ta' Awwissu, mal-Jugożlavja fl-10 ta' Awwissu u mal-Istati Uniti fis-17 ta' Awwissu. L-Arġentina ospitat lill-Jugożlavja fit-3 ta' Awwissu.

Impjanti

Il-partiti kollha ntlagħbu f'Montevideo u ġew użati tliet grawnds: Estadio Centenario, Estadio Pocitos, u . Estadio Centenario ġie mibni kemm minħabba dan il-kampjonat u wkoll bħala ċelebrazzjoni taċ-ċentinarju mill-indipendenza tal-Urugwaj. Iddisinjat minn Juan Scasso, dan kien il-grawnd prinċipali tal-kampjonat, li fi kliem Rimet kien "it-tempju tal-futbol". B'wisa' ta' 90,000 dan kien l-ikbar grawnd tal-futbol barra mill-Gżejjer Brittaniċi. F'dan il-grawnd intlagħby 10 minn 18-il partita, fosthom iż-żewġ semifinali u l-finali. Minħabba l-iskeda magħfusa ta' kostruzzjoni u l-istaġun ta' xita li laqat, is-Centenario ma kienx lest biex jintuża sa ħamest ijiem qabel il-kampjonat. Il-partiti tal-bidu ntlagħbu fi grawnds iżgħar użati mill-klabbs minn Montevideo, u , il-Parque Central u l-Pocitos.

Uffiċċjali tal-partiti

Ħmistax-il referì ħadu sehem fil-kompetizzjoni. Sabiex kull wieħed minnhom ikollu idea ċara tal-applikazzjoni tar-Regoli tal-Logħba, ir-referis ġew mistiedna għal laqgħa żgħira sabiex jiġu ċċarati ċerti kunflitti u dilemmi. Ir-referis kienu jirrefjaw il-logħba lebsin ġlekk u ingravata.

Mill-ħatriet kollha tar-referis kien hemm xi wħud li ġibdu l-attenzjoni. Il-Bolivjan irrefja l-logħba Arġentina–Messiku, li l-Arġentina rebħu 6–3. Matul din il-logħba Saucedo, li kien ukoll iservi bħala l-kowċ tal-Bolivja, ta tliet penalties. Saucedo ma kienx l-uniku li kellu rwol doppju fil-kompetizzjoni: , il-kowċ tar-Rumanija, ġie wżat darbtejn bħala assistent fl-ewwel grupp.

Il-lista segwenti turi l-uffiċċjali kollha li servew bħal referis jew assistenti. Uffiċċjali miktuba bil-korsiv kienu wżati biss bħala assistenti matul il-kampjonat.

Ewropa

John Balway

Amerika ta' Fuq

Amerika t'Isfel

Riżultati

Fażi tal-gruppi

Grupp 1

Tim	L	R	T	GF	GK	DG	Pti
Arġentina	3	3	0	10	4	+6	6
	3	2	1	5	3	+2	4
Franza	3	1	2	4	3	+1	2
Messiku	3	0	3	4	13	−9	0

13 ta' Lulju 1930 15:00 UYT (UTC−3:30)	Franza	4–1	Messiku	Estadio Pocitos, Montevideo Attendenza: 3,000
	L. Laurent 19' Langiller 40' Maschinot 43', 87'	Rapport	Carreño 70'	Estadio Pocitos, Montevideo Attendenza: 3,000

15 ta' Lulju 1930 16:00 UYT (UTC−3:30)	Arġentina	1–0	Franza	, Montevideo Attendenza: 18,000
	Monti 81'	Rapport		, Montevideo Attendenza: 18,000

16 ta' Lulju 1930 14:45 UYT (UTC−3:30)		3–0	Messiku	, Montevideo Attendenza: 7,000
	Vidal 3', 65' M. Rosas 51' (awt.)	Rapport		, Montevideo Attendenza: 7,000

19 ta' Lulju 1930 12:50 UYT (UTC−3:30)		1–0	Franza	Estadio Centenario, Montevideo Attendenza: 50,000
	Subiabre 65'	Rapport		Estadio Centenario, Montevideo Attendenza: 50,000

19 ta' Lulju 1930 15:00 UYT (UTC−3:30)	Arġentina	6–3	Messiku	Estadio Centenario, Montevideo Attendenza: 50,000
	Stábile 8', 17', 80' Zumelzú 12', 55' Varallo 53'	Rapport	M. Rosas 42' (pen.), 65' Gayón 75'	Estadio Centenario, Montevideo Attendenza: 50,000

22 ta' Lulju 1930 14:45 UYT (UTC−3:30)	Arġentina	3–1		Estadio Centenario, Montevideo Attendenza: 35,000
	Stábile 12', 13' M. Evaristo 81'	Rapport	Subiabre 15'	Estadio Centenario, Montevideo Attendenza: 35,000

Grupp 2

Tim	L	R	T	GF	GK	DG	Pti
Jugożlavja	2	2	0	6	1	+5	4
Brażil	2	1	1	5	2	+3	2
	2	0	2	0	8	−8	0

14 ta' Lulju 1930 12:45 UYT (UTC−3:30)	Jugożlavja	2–1	Brażil	, Montevideo Attendenza: 5,000
	Tirnanić 21' Bek 30'	Rapport	Preguinho 62'	, Montevideo Attendenza: 5,000

17 ta' Lulju 1930 12:45 UYT (UTC−3:30)	Jugożlavja	4–0		, Montevideo Attendenza: 800
	Bek 60', 67' Marjanović 65' Vujadinović 85'	Rapport		, Montevideo Attendenza: 800

20 ta' Lulju 1930 13:00 UYT (UTC−3:30)	Brażil	4–0		Estadio Centenario, Montevideo Attendenza: 1,200
	Moderato 37', 73' Preguinho 57', 83'	Rapport		Estadio Centenario, Montevideo Attendenza: 1,200

Grupp 3

Tim	L	R	T	GF	GK	DG	Pti
Urugwaj	2	2	0	5	0	+5	4
Rumanija	2	1	1	3	5	−2	2
	2	0	2	1	4	−3	0

14 ta' Lulju 1930 14:50 UYT (UTC−3:30)	Rumanija	3–1		Estadio Pocitos, Montevideo Attendenza: 300
	Deșu 1' Stanciu 79' Kovács 89'	Rapport	Souza Ferreira 75'	Estadio Pocitos, Montevideo Attendenza: 300

18 ta' Lulju 1930 14:30 UYT (UTC−3:30)	Urugwaj	1–0		Estadio Centenario, Montevideo Attendenza: 70,000
	Castro 65'	Rapport		Estadio Centenario, Montevideo Attendenza: 70,000

21 ta' Lulju 1930 14:50 UYT (UTC−3:30)	Urugwaj	4–0	Rumanija	Estadio Centenario, Montevideo Attendenza: 80,000
	Dorado 7' Scarone 26' Anselmo 31' Cea 35'	Rapport		Estadio Centenario, Montevideo Attendenza: 80,000

Grupp 4

Tim	L	R	T	GF	GK	DG	Pti
Stati Uniti	2	2	0	6	0	+6	4
	2	1	1	1	3	−2	2
Belġju	2	0	2	0	4	−4	0

13 ta' Lulju 1930 15:00 UYT (UTC−3:30)	Stati Uniti	3–0	Belġju	, Montevideo Attendenza: 10,000
	McGhee 23' Florie 45' Patenaude 69'	Rapport		, Montevideo Attendenza: 10,000

17 ta' Lulju 1930 14:45 UYT (UTC−3:30)	Stati Uniti	3–0		, Montevideo Attendenza: 800
	Patenaude 10', 15', 50'	Rapport		, Montevideo Attendenza: 800

20 ta' Lulju 1930 15:00 UYT (UTC−3:30)		1–0	Belġju	Estadio Centenario, Montevideo Attendenza: 900
	Vargas Peña 40'	Rapport		Estadio Centenario, Montevideo Attendenza: 900

Fażi eliminatorja

Semifinali		Finali

26 ta' Lulju – Montevideo
Arġentina	6
Stati Uniti	1

		30 ta' Lulju – Montevideo
		Arġentina	2
		Urugwaj	4



27 ta' Lulju – Montevideo
Urugwaj	6
Jugożlavja	1

Semifinali

26 ta' Lulju 1930 14:45 UYT (UTC−3:30)	Arġentina	6–1	Stati Uniti	Estadio Centenario, Montevideo Attendenza: 72,886
	Monti 20' Scopelli 56' Stábile 69', 87' Peucelle 80', 85'	Rapport	89'	Estadio Centenario, Montevideo Attendenza: 72,886

27 ta' Lulju 1930 14:45 UYT (UTC−3:30)	Urugwaj	6–1	Jugożlavja	Estadio Centenario, Montevideo Attendenza: 79,867
	Cea 18', 67', 72' Anselmo 20', 31' Iriarte 61'	Rapport	Vujadinović 4'	Estadio Centenario, Montevideo Attendenza: 79,867

Finali

30 ta' Lulju 1930 15:30 UYT (UTC−3:30)	Urugwaj	4–2	Arġentina	Estadio Centenario, Montevideo Attendenza: 93,000
	Dorado 12' Cea 57' Iriarte 68' Castro 89'	Rapport	Peucelle 20' Stábile 37'	Estadio Centenario, Montevideo Attendenza: 93,000

L-aqwa skorers

8 gowls

Guillermo Stábile

5 gowls

Pedro Cea

4 gowls

Bert Patenaude

3 gowls

Carlos Peucelle
Preguinho
Ivan Bek
Peregrino Anselmo

2 gowls

Luis Monti
Adolfo Zumelzú
Moderato
Guillermo Subiabre

Carlos Vidal
André Maschinot
Đorđe Vujadinović
Manuel Rosas

Héctor Castro
Pablo Dorado
Victoriano Santos Iriarte

gowl

Mario Evaristo
Alejandro Scopelli
Francisco Varallo
Marcel Langiller
Lucien Laurent
Blagoje Marjanović

Aleksandar Tirnanić
Juan Carreño
Roberto Gayón
Luis Vargas Peña
Luis Souza Ferreira
Adalbert Deșu

Nicolae Kovács
Constantin Stanciu
Tom Florie
Bart McGhee
Héctor Scarone

awtogowls

Manuel Rosas (kontra ċ-Ċili)

Aqra iktar

Goldblatt, David (2008). The Ball Is Round: A Global History of Soccer. Penguin. ISBN 978-1-59448-296-0.
Freddi, Cris (2006). Complete Book of the World Cup 2006. Londra: HarperCollins.

Noti

^ ^a ^b Skont il-kittieb Ingliż Cris Freddi hu kien għalliem Ingliż li kien jgħix Pariġi. Il-veru kunjom tiegħu kien Balvay, imniżżel ħażin mill-FIFA bħala Balway.
^ Sal-10 ta' Novembru 2006, il-FIFA kienet tirrikonoxxi l-ewwel tripletta f'Tazza tad-Dinja dik ta' Guillermo Stábile, li ġiet skorjata fid-19 ta' Lulju 1930, jumejn wara dik ta' Patenaude. Fl-2006, il-FIFA ħabbret li l-pretensjoni li Patenaude kien l-iskorer tal-ewwel tripletta kienet ġustifikata, hekk kif il-gowl li kien attribwit lil Tom Florie ġie mogħti lil Patenaude.
^ Skont diversi fonti l-Arġentini kienu jammontaw għal 30,000.
^ ^a ^b ^ċ ^d ^e ^f ^ġ ^g ^għ ^h ^ħ ⁱ ^ie ^j ^k ^l ^m ⁿ ^o ^p Dan huwa wieħed minn diversi gowls fuq liema hemm indeċiżjoni u dettalji nieqsa. Il-minuti u l-iskorers użati huma dawk uffiċjali tal-FIFA. Sorsi oħra, bħal RSSSF, jagħtu skorer u/jew ħin differenti. Biex tara aktar: "World Cup 1930 finals" (bl-Ingliż). Rec.Sport.Soccer Statistics Foundation (RSSSF).
^ Il-FIFA għall-bidu tat il-gowl fil-15-il minuta lil Tom Florie, imma bidlitu għal Patenaude fl-2006. RSSSF tagħti l-gowl bħala awtogowl ta' Aurelio González.

Referenzi

^ "Uruguay 1930" (bl-Ingliż). Fourfourtwo. Arkivjat mill-orġinal fl-2007-08-19. Miġbur 2009-06-20.
^ ^a ^b "FIFA World Cup – Classic Moments from FIFA World Cup History" (bl-Ingliż). FIFA. Arkivjat mill-orġinal fl-2006-04-26. Miġbur 2009-06-14.
^ Seddon, Peter (2005). The World Cup's Strangest Moments (bl-Ingliż). Londra: Robson. pp. 8–9. ISBN 978-1-86105-869-0.
^ ^a ^b Goldblatt, David (2007). The Ball is Round: A Global History of Football (bl-Ingliż). Londra: Penguin. p. 248. ISBN 978-0-14-101582-8.
^ Goldblatt (2008), p. 249
^ "1930 FIFA World Cup Uruguay" (bl-Ingliż). FIFA. Miġbur 2009-06-15.
^ ^a ^b Lara, Miguel A. "Uruguay, allí nació la historia" (bl-Ispanjol). Marca.com. Arkivjat minn l-oriġinal fl-2009-06-27. Miġbur 2009-06-14.
^ ^a ^b Vautrot, Michel (1998-06-17). "A historical link with the Franche-Comté" (bl-Ingliż). FIFA. Arkivjat mill-orġinal fl-2008-06-08. Miġbur 2009-06-14.
^ ^a ^b ^ċ ^d "Mondiali Calcio 1930: 13 luglio ore 14, si comincia" (bit-Taljan). Storie di Calcio. Arkivjat minn l-oriġinal fl-2011-07-28. Miġbur 2011-06-25.
^ ^a ^b ^ċ "Mondiali Calcio 1930: Debutta la Celeste" (bit-Taljan). Storie di Calcio. Arkivjat minn l-oriġinal fl-2011-08-12. Miġbur 2011-06-25.
^ "Mondiali Calcio 1930: Dietro le quinte del Mondiale" (bit-Taljan). Storie di Calcio. Arkivjat minn l-oriġinal fl-2010-06-11. Miġbur 2011-06-28.
^ ^a ^b John Brewmin (2006-04-17). "World Cup 1930 - Hosts Uruguay" (bl-Ingliż). ESPN. Arkivjat minn l-oriġinal fl-2012-09-18. Miġbur 2011-06-11.
^ "American Bert Patenaude credited with first hat trick in FIFA World Cup history" (bl-Ingliż). FIFA. Miġbur 2011-06-09.
^ "World Cup 1930 finals" (bl-Ingliż). Rec.Sport.Soccer Statistics Foundation (RSSSF). Miġbur 2011-06-09.
^ Hyder Jawad (2009). Four Weeks In Montevideo: The Story of World Cup 1930. Seventeen Media & Publishing. p. 105.
^ "FIFA World Cup México '86 – Technical Report" (PDF) (bl-Ingliż). FIFA. 1986. p. 45. Miġbur 2011-06-11.
^ "Final Tournament Standings" (bl-Ingliż). FIFA. Miġbur 2011-06-11.
^ "Медаља из дома Хаџијевих сведочи да смо били трећи на Мундијалу" (bis-Serb). Politika. Miġbur 2011-06-09.
^ "Još uvek sjaji bronza iz Montevidea" (bis-Serb). Blic. Miġbur 2011-06-09.
^ "Il clima dell'Uruguay" (bit-Taljan). Meteo Giornale. Arkivjat minn l-oriġinal fl-2011-10-16. Miġbur 2011-06-14.
^ "Il clima del Sudafrica: le città dei Mondiali di Calcio" (bit-Taljan). Corriere della Sera. Arkivjat minn l-oriġinal fl-2010-05-30. Miġbur 2011-06-14.
^ Goldblatt, pġ. 250
^ Freddi, pġ. 11
^ ^a ^b "FIFA World Cup Origin" (PDF) (bl-Ingliż). FIFA. Miġbur 2011-06-11.
^ ^a ^b ^ċ ^d ^e ^f ^ġ "Mondiali Calcio 1930: Uruguay Campeon" (bit-Taljan). Storie di Calcio. Arkivjat minn l-oriġinal fl-2013-10-01. Miġbur 2011-06-25.
^ ^a ^b ^ċ Glanville, pġ. 20
^ "Storia dei mondiali - 1930 Uruguay" (bit-Taljan). Il Sole 24 Ore. Miġbur 2011-06-11.
^ ^a ^b ^ċ ^d Freddi, pġ. 12.
^ Freddi, pġ. 13.
^ Glanville, pġ. 21
^ "Seleção Brasileira (Brazilian National Team) 1923–1932". RSSSF Brazil. 2011-06-11. Arkivjat minn l-oriġinal fl-2007-08-14.
^ "Argentina national Team archive" (bl-Ingliż). RSSSF. Miġbur 2011-06-11.
^ Dunning, Eric; Malcolm, Dominic (2003). Sport. Routledge. p. 46. ISBN 978-0-415-26292-7.
^ ^a ^b "25 datos sobre la Copa Mundial de la FIFA" (PDF) (bl-Ispanjol). FIFA. Arkivjat minn l-oriġinal (PDF) fl-2016-03-04. Miġbur 2011-09-20.

Ħoloq esterni

Urugwaj 1930 fuq FIFA.com

[balway-8] Skont il-kittieb Ingliż Cris Freddi hu kien għalliem Ingliż li kien jgħix Pariġi. Il-veru kunjom tiegħu kien Balvay, imniżżel ħażin mill-FIFA bħala Balway.

[14] Sal-10 ta' Novembru 2006, il-FIFA kienet tirrikonoxxi l-ewwel tripletta f'Tazza tad-Dinja dik ta' Guillermo Stábile, li ġiet skorjata fid-19 ta' Lulju 1930, jumejn wara dik ta' Patenaude. Fl-2006, il-FIFA ħabbret li l-pretensjoni li Patenaude kien l-iskorer tal-ewwel tripletta kienet ġustifikata, hekk kif il-gowl li kien attribwit lil Tom Florie ġie mogħti lil Patenaude.

[24] Skont diversi fonti l-Arġentini kienu jammontaw għal 30,000.

[rsssf-38] ċ ^d ^e ^f ^ġ ^g ^għ ^h ^ħ ⁱ ^ie ^j ^k ^l ^m ⁿ ^o ^p Dan huwa wieħed minn diversi gowls fuq liema hemm indeċiżjoni u dettalji nieqsa. Il-minuti u l-iskorers użati huma dawk uffiċjali tal-FIFA. Sorsi oħra, bħal RSSSF, jagħtu skorer u/jew ħin differenti. Biex tara aktar: "World Cup 1930 finals" (bl-Ingliż). Rec.Sport.Soccer Statistics Foundation (RSSSF).

[39] Il-FIFA għall-bidu tat il-gowl fil-15-il minuta lil Tom Florie, imma bidlitu għal Patenaude fl-2006. RSSSF tagħti l-gowl bħala awtogowl ta' Aurelio González.

[1] "Uruguay 1930" (bl-Ingliż). Fourfourtwo. Arkivjat mill-orġinal fl-2007-08-19. Miġbur 2009-06-20.

[FIFA1930-2] "FIFA World Cup – Classic Moments from FIFA World Cup History" (bl-Ingliż). FIFA. Arkivjat mill-orġinal fl-2006-04-26. Miġbur 2009-06-14.

[3] Seddon, Peter (2005). The World Cup's Strangest Moments (bl-Ingliż). Londra: Robson. pp. 8–9. ISBN 978-1-86105-869-0.

[goldblatt_248-4] Goldblatt, David (2007). The Ball is Round: A Global History of Football (bl-Ingliż). Londra: Penguin. p. 248. ISBN 978-0-14-101582-8.

[g249-5] Goldblatt (2008), p. 249

[fifa1930-6] "1930 FIFA World Cup Uruguay" (bl-Ingliż). FIFA. Miġbur 2009-06-15.

[Marca-7] Lara, Miguel A. "Uruguay, allí nació la historia" (bl-Ispanjol). Marca.com. Arkivjat minn l-oriġinal fl-2009-06-27. Miġbur 2009-06-14.

[fifa-franchecomte-9] Vautrot, Michel (1998-06-17). "A historical link with the Franche-Comté" (bl-Ingliż). FIFA. Arkivjat mill-orġinal fl-2008-06-08. Miġbur 2009-06-14.

[storie-10] ċ ^d "Mondiali Calcio 1930: 13 luglio ore 14, si comincia" (bit-Taljan). Storie di Calcio. Arkivjat minn l-oriġinal fl-2011-07-28. Miġbur 2011-06-25.

[storie2-11] ċ "Mondiali Calcio 1930: Debutta la Celeste" (bit-Taljan). Storie di Calcio. Arkivjat minn l-oriġinal fl-2011-08-12. Miġbur 2011-06-25.

[12] "Mondiali Calcio 1930: Dietro le quinte del Mondiale" (bit-Taljan). Storie di Calcio. Arkivjat minn l-oriġinal fl-2010-06-11. Miġbur 2011-06-28.

[espn-13] John Brewmin (2006-04-17). "World Cup 1930 - Hosts Uruguay" (bl-Ingliż). ESPN. Arkivjat minn l-oriġinal fl-2012-09-18. Miġbur 2011-06-11.

[15] "American Bert Patenaude credited with first hat trick in FIFA World Cup history" (bl-Ingliż). FIFA. Miġbur 2011-06-09.

[16] "World Cup 1930 finals" (bl-Ingliż). Rec.Sport.Soccer Statistics Foundation (RSSSF). Miġbur 2011-06-09.

[17] Hyder Jawad (2009). Four Weeks In Montevideo: The Story of World Cup 1930. Seventeen Media & Publishing. p. 105.

[18] "FIFA World Cup México '86 – Technical Report" (PDF) (bl-Ingliż). FIFA. 1986. p. 45. Miġbur 2011-06-11.

[19] "Final Tournament Standings" (bl-Ingliż). FIFA. Miġbur 2011-06-11.

[20] "Медаља из дома Хаџијевих сведочи да смо били трећи на Мундијалу" (bis-Serb). Politika. Miġbur 2011-06-09.

[21] "Još uvek sjaji bronza iz Montevidea" (bis-Serb). Blic. Miġbur 2011-06-09.

[22] "Il clima dell'Uruguay" (bit-Taljan). Meteo Giornale. Arkivjat minn l-oriġinal fl-2011-10-16. Miġbur 2011-06-14.

[23] "Il clima del Sudafrica: le città dei Mondiali di Calcio" (bit-Taljan). Corriere della Sera. Arkivjat minn l-oriġinal fl-2010-05-30. Miġbur 2011-06-14.

[25] Goldblatt, pġ. 250

[26] Freddi, pġ. 11

[origin-27] "FIFA World Cup Origin" (PDF) (bl-Ingliż). FIFA. Miġbur 2011-06-11.

[storie3-28] ċ ^d ^e ^f ^ġ "Mondiali Calcio 1930: Uruguay Campeon" (bit-Taljan). Storie di Calcio. Arkivjat minn l-oriġinal fl-2013-10-01. Miġbur 2011-06-25.

[glanville20-29] ċ Glanville, pġ. 20

[30] "Storia dei mondiali - 1930 Uruguay" (bit-Taljan). Il Sole 24 Ore. Miġbur 2011-06-11.

[freddi12-31] ċ ^d Freddi, pġ. 12.

[32] Freddi, pġ. 13.

[33] Glanville, pġ. 21

[34] "Seleção Brasileira (Brazilian National Team) 1923–1932". RSSSF Brazil. 2011-06-11. Arkivjat minn l-oriġinal fl-2007-08-14.

[35] "Argentina national Team archive" (bl-Ingliż). RSSSF. Miġbur 2011-06-11.

[36] Dunning, Eric; Malcolm, Dominic (2003). Sport. Routledge. p. 46. ISBN 978-0-415-26292-7.

[kowċis_ref-37] "25 datos sobre la Copa Mundial de la FIFA" (PDF) (bl-Ispanjol). FIFA. Arkivjat minn l-oriġinal (PDF) fl-2016-03-04. Miġbur 2011-09-20.