Ferenc Puskás twieled fl 1 ta April 1927 miet fis 17 ta Novembru 2006 kien plejer u kowċ tal futbol Ungeriż rikonoxxut f

Ferenc Puskás (twieled fl-1 ta' April 1927 – miet fis-17 ta' Novembru 2006) kien plejer u kowċ tal-futbol Ungeriż, rikonoxxut fost l-aqwa plejers ta' kull żmien u fost l-ewwel stilel sportivi internazzjonali. Bħala attakkant hu skorja 84 gowl fi 85 logħba għall-Ungerija u lagħab erba' logħbiet internazzjonali f'isem Spanja. Hu rebaħ il-midalja tad-deheb fl-Olimpjadi mat-tim nazzjonali fl-1952 u wassal lil pajjiżu għall-finali tat-Tazza tad-Dinja tal-1954. Fuq livell ta' klabb rebaħ tliet Tazez Ewropej (1959, 1960, 1966), għaxar kampjonati nazzjonali (ħamsa Ungeriżi u ħamsa Spanjoli) u tmien unuri personali. Is-702 gowls f'705 logħbiet uffiċjali matul il-karriera tiegħu jagħmluh il-ħames l-aqwa skorer ta' kull żmien.

Ferenc Puskás
Informazzjoni personali
Puskás bħala kowċ ta' Panathinaikos fl-1971
Isem sħiħ	Ferenc Purczeld
Twelid	1 ta' April 1927(1927-04-01) Budapest,
Mewt	17 ta' Novembru 2006 (79 sena) Budapest
Tul	1.72 m
Rwol	Attakkant
Mixtliet
1940–1943
Karriera professjonali
Snin	Klabb
1943–1956
1958–1966	Real Madrid
Tim nazzjonali
1945–1956	Ungerija
1961–1962	Spanja
Timijiet ikkowċjati
1966–1967
1967	San Francisco Golden Gate Gales
1968	Vancouver Royals
1968–1969
1970–1974
1975
1975–1976
1976–1977
1978–1979
1979–1982
1985–1986
1986–1989
1989–1992	South Melbourne Hellas
1989–1992	Ungerija

Bijografija

Tfulija

Ferenc Puskás twieled nhar l-1 ta' April 1927 f'Budapest, il-kapitali tal-Ungerija, f'familja Ġermaniża. Ommu, Margit Biró (1904–1976), kienet ħajjata. Hu trabba tefa' ta' ġebla 'l bogħod mill-klabb ta' fid-distrett li jġib l-istess isem. Puskás ġie introdott għal-logħba tal-futbol minn missieru, Ferenc Puskás (1903–1952), li kien plejer u iktar tard kowċ ta' Kispest. Ma' ħbiebu kien iħobb iqatta' numru ta' sigħat jilgħab b'ballun taċ-ċarruta; fost dawn kien hemm il-ħabib tal-qalb li aktar tard kien sieħeb fit-tim nazzjonali. Bozsik, li kien sena u nofs ikbar minn Puskás, beda jilgħab mat-tim taż-żgħar ta' Kispesti AC ta' tnax-il sena. Meta ra dan, Puskás ittallab mal-kowċ tal-klabb sabiex jinkludih mat-tim taħt l-identità falza ta' Miklós Kovács minħabba li l-età minima kienet ta' tnax-il sena.

Puskás issieħeb mat-tim tal-kbar ta' sittax-il sena. Hu ngħata l-opportunità għad-debutt tiegħu fl-1943 kontra minħabba li numru ta' plejers kienu mardu kawża ta' epidemija tal-influwenza. Minkejja din l-età tenera hu mal-ewwel sar pedina importanti mal-ewwel ħdax tal-klabb Ungeriż.

Budapest Honvéd u s-suċċessi man-nazzjonal

Puskás lagħab rwol importanti mal-klabb. Fl-1949, il-klabb ingħadda taħt l-awspiċji tal-Ministeru tad-Difiża Ungeriż u t-tim sar dak tal-. Il-klabb ingħata l-isem ġdid ta' Budapest Honvéd u l-plejers ġew mogħtija gradi militari. Puskás sar maġġuri fejn minn hemmhekk ħareġ il-laqam "Száguldó Órnagy" (Il-Maġġuri tal-Galopp). Bħala klabb tal-armata, Budapest Honvéd użaw il-lieva sabiex jiksbu l-aqwa plejers Ungeriżi, fosthom lil u . Fl-ewwel sena taħt l-isem il-ġdid, Puskás skorja ħamsin gowl u rebaħ wieħed mill-erba' kampjonati Ungeriżi mal-klabb. Apparti minn hekk hu spiċċa l-aqwa skorer erba' darbiet oħra. Matul dan iż-żmien iżżewweġ lil Erzsébet Hunyadvári u fl-1952 kellhom tarbija, tifla bl-isem ta' Anikó.

Fl-20 ta' Awwissu 1945 iddebutta mat-tim nazzjonali Ungeriż u skorja fir-rebħa ta' 5–2 fuq l-Awstrija. Din il-logħba, l-ewwel waħda għall-Ungerija wara t-Tieni Gwerra Dinjija, immarkat il-bidu tal-karriera eċċezzjonali ta' Puskás fuq livell internazzjonali. B'kollox lagħab 85 logħba u skorja 84 gowl man-nazzjonal, li kienu jinkludu żewġ tripletti kontra l-Awstrija, tripletta kontra l-Lussemburgu u erba' gowls kontra l-Albanija. Flimkien ma' Zoltán Czibor, Sándor Kocsis, József Bozsik u hu fforma parti mill-qalba tat- li bejn l-14 ta' Mejju 1950 u l-4 ta' Lulju 1954 baqgħu mhux megħluba għal total ta' 32 logħba (erba' minnhom spiċċaw fi dros).

Fl-1952, Puskás kien il-kaptan tat-tim Ungeriż li rebaħ il-midalja tad-deheb fl-. Matul il-kampjonat Puskás skorja erba' gowls, fosthom il-gowl tal-ftuħ fil-finali mirbuħa kontra l-Jugożlavja b'riżultat ta' 2–0. Dan is-suċċess ġie ripetut is-sena ta' wara bir-rebħ tat- meta l-Ungeriżi rebħu l-kompetizzjoni fuq iċ-Ċekoslovakkja, l-Awstrija, l-Italja u l-Iżvizzera. Puskás skorja għaxar gowls, b'doppjetta fl-aħħar logħba kontra t-Taljani fir-rebħa ta' 3–0 li kkonfermat it-titlu.> Il-logħba li baqgħet immarkat fl-annali tal-istorja bħala "Il-Logħba tas-Seklu" waslet fil-25 ta' Novembru 1953 f'. Sa dak iż-żmien, l-Ingilterra kienet għadha qatt ma tilfet logħba kontra t-tim barra r-Renju Unit. Madanakollu, Puskás u sħabu ttrijonfaw bi skor kbir ta' 6–3. Quddiem preżenza ta' 100,000 spettatur, l-Ungeriżi ddominaw il-logħba b'formazzjoni ta' 4–2–4 lii kienet waħda rivoluzzjonarja meta mqabbla mat-3–2–5 li kienet użata ta' spiss. Puskás ħalla l-marka b'żewġ gowls. Dan is-suċċess reġa' ġie ripetut sitt xhur wara meta din id-darba fin- ġewwa Budapest, l-Ungeriżi kkonfermaw li r-riżultat f'Londra ma kienx anomalija b'rebħa konvinċenti ta' 7–1.

Il-favoriti għat-Tazza tad-Dinja

L-Ungeriżi daħlu għat-Tazza tad-Dinja tal- fl-Iżvizzera bħala l-favoriti wara l-ebda telfa f'erba' snin. Fl-ewwel żewġ logħbiet għamlu festa ta' gowls meta rebħu lill- u lill-Ġermanja tal-Punent 9–0 u 8–3 rispettivament. Madanakollu, fil-logħba kontra l-Ġermaniżi, Puskás weġġa' l-għaksa wara intervent tad-difensur u kellu jitlef il-kwarti tal-finali u s-semifinali. Bl-assenza tiegħu, l-Ungerija xorta waħda rnexxielhom jegħlbu lill-Brażil u 'l-Urugwaj b'riżultati identiċi ta' 4–2.

Għall-finali, li ntlagħbet fl-4 ta' Lulju quddiem folla ta' 62,000 ruħ, l-Ungerija sabu mill-ġdid lill-Ġermanja tal-Punent. Minkejja li kien għadu jħoss uġigħ fl-għaksa, Puskás għażel li jibda l-logħba. Kien hu li fetaħ l-iskor wara sitt minuti u l-Ungerija sabu t-tieni gowl żewġ minuti wara permezz ta' Czibor. Qalb xita qalila, il-Ġermaniżi rrispondew mal-ewwel u ż-żewġ timijiet daħlu jistrieħu wara l-ewwel taqsima bl-iskor indaqs. Lejn tmiem il-logħba, sitt minuti qabel it-tisfira finali, skorja dak li kellu jkun il-gowl tar-rebħa għall-Ġermanja tal-Punent. Dan ir-riżultat jibqa' fost l-ikbar sorpriżi fl-istorja tat-Tazza tad-Dinja u minbarra li temm serje ta' 31 logħba mingħajr telfa għall-Ungerija, din it-telfa sarrfet f'numru ta' dimostrazzjonijiet fit-toroq ta' Budapest mhux biss kontra t-tim imma wkoll kontra r-reġim Komunista tal-pajjiż.

Il-ħarba mill-Ungerija

Ferenc Puskás kompla l-karriera tiegħu ma' Budapest Honvéd. Mal-bidu tar-, it-tim ta' Honvéd kien beda sehmu fit-Tazza taċ-Ċampjins tal-istaġun kontra . Wara l-ewwel leg, li ntlagħab fi Spanja, f'nofs kriżi politika fl-Ungerija, Puskás u sħabu ddeċidew li ma jmorrux lura pajjiżhom iżda li jilgħabu t-tieni leg fi Brussell. Minkejja l-oppożizzjoni tal-FIFA u l-awtoritajiet tal-futbol Ungeriżi, huma organizzaw tour tal-Italja, il-Portugall, Spanja u l-Brażil. Mar-ritorn lura fl-Ewropa, xi plejers reġgħu lura l-Ungerija, filwaqt li oħrajn bħal Czibor, Kocsis u Puskás sabu klabbs ġodda fl-Ewropa tal-Punent.

Fl-1957, Puskás iffirma kuntratt preliminarju ma' Wiener Sportklub, però, bħal plejers emigranti oħrajn, hu ma kellux permess u għalhekk il-karriera tiegħu kellha tieqaf temporanjament. Wara s-sospsensjoni mil-logħob ta' tmintax-il xahar li ngħatatlu mill-FIFA, wara l-indħil tal-federazzjoni Ungeriża, Puskás l-ewwel mar l-Italja u wara Spanja sabiex jerġa' jilgħab imma ma kienx offrut kuntratt minn ħafna klabbs minħabba li issa kellu iktar minn tletin sena u kien rebba' l-piż.

Qawmien mill-ġdid fi Spanja

Emil Oesterreicher, li preċedentament kien teżorier ta' Budapest Honvéd u li fl-1956 laħaq direttur tekniku ta' Real Madrid, iddeċieda li jġib miegħu mal-klabb Spanjol lil Puskás li issa kellu 31 sena. Din l-istorja kienet ta' sorpriża fi Spanja hekk kif ħafna kienu tal-ħsieb li plejer ta' dik l-età ma kienx post ma' klabb tal-istatura ta' Real Madrid. Però Puskás mal-ewwel sikket il-kritika. L-ikona Ungeriża beda t-tieni fażi tal-karriera tiegħu fi dwett mal-Arġentin .

Id-debutt tiegħu seħħ fl-14 ta' Settembru 1958 f'rebħa ta' 2–1 kontra u ġimgħa wara skorja l-ewwel gowls tiegħu bi tripletta fir-rebħa ta' 5–1 kontra . Din kellha tkun waħda minn erba' tripletti li skorja fil-kampjonat għal total ta' 21 gowl, tnejn inqas minn Di Stéfano, u t-tnejn li huma spiċċaw l-aqwa skorers. Għalkemm fallew li jirbħu l-kampjonat, b'Barcelona jittrijonfaw wara battalja bejn iż-żewġ klabbs tul l-istaġun kollu, Real Madrid rebħu r-raba' meta fil-finali għelbu lil . Puskás ikkontribwixxa fil-kompetizzjoni b'żewġ gowls fis-semifinali kontra , però ma lagħabx il-finali.

L-istaġun sussegwenti tal-1959–60, Puskás sploda hekk kif kien l-aqwa skorer tal-klabb Madrilen fit-tliet kompetizzjonijiet bi 48 gowl f'36 logħba. Għal Puskás il-konsagrazzjoni waslet fil-finali tat- meta Real Madrid iddominaw fuq Eintracht Frankfurt f' ġewwa l-Iskozja, quddiem folla ta' 130,000 ruħ. Di Stéfano skorja tripletta u Puskás skorja erbgħa f'rebħa ta' 7–3. Ir-rebħ ta' dan it-titlu kien il-ħames wieħed konsekuttiv tal-klabb li jibqa' l-aqwa tragward fl-istorja tal-kompetizzjoni. Grazzi għal din ir-rebħa l-klabb ingħata ċans li jilgħab fil-kompetizzjoni ġdida tat-Tazza Interkontinentali. It-trofew kien ikkontestat bejn iċ-ċampjin Ewropew u dak Sud-Amerikan rebbieħ tal-. Real Madrid ħarġu rebbieħa 5–1 fuq l-Urugwajani ta' b'Puskás jiskorja darbtejn fit-tieni leg.

Wara li kiseb iċ-ċittadinanza Spanjola fl-1961, Puskás issejjaħ mat-tim nazzjonali Spanjol u lagħab l-ewwel logħba tiegħu kontra l- f'Settembru tal-istess sena. B'kollox lagħab erba' logħbiet mat-tim nazzjonali li tlieta minnhom wasslu fit-Tazza tad-Dinja tal- li saret fiċ-Ċili. L-Ispanjoli ddiżappuntaw fil-kompetizzjoni meta rebħu logħba waħda biss u spiċċaw l-aħħar fil-grupp.

Fl-1962, f'Amsterdam, Puskás lagħab il-finali tat-Tazza taċ-Ċampjins. Hu ħalla l-marka bi tripletta imma l-avversarji ta' rebħu t-trofew b'riżultat ta' 5–3. Sentejn wara, fi Vjenna, Puskás u Real Madrid għal darb'oħra sfaw telliefa fil-finali, din id-darba kontra l-Inter. Din l-aħħar finali kellha tkun tmiem il-koppja tal-attakk ta' Di Stéfano u Puskás hekk kif l-Ispanjol-Arġentin irtira. Puskás baqa' jilgħab u fl-1966 għen lill-klabb jasal għat-tmien finali tat-Tazza taċ-Ċampjins fi ħdax-il sena. Fit-triq lejn il-finali hu skorja ħames gowl f'żewġ logħbiet kontra . B'tim magħmul minn żgħażagħ Spanjoli, il-klabb Madrilen rebaħ il-finali kontra Partizan. Puskás kien nieqes għal din il-logħba minħabba li reġa' sofra minn uġigħ li kien qed isir pjuttost rikorrenti matul l-aħħar staġuni.

Puskás lagħab l-aħħar logħba tiegħu ta' 38 sena, fit-8 ta' Mejju 1966, b'bilanċ ta' 242 gowl f'262 logħba u medja ta' 0.92 gowls kull logħba.

Statistika

Internazzjonali

Tim nazzjonali	Sena	Preżenzi	Gowls
Ungerija	1945	2	3
	1946	3	3
	1947	5	5
	1948	6	7
	1949	8	11
	1950	6	12
	1951	3	4
	1952	12	10
	1953	7	6
	1954	11	8
	1955	12	10
	1956	9	4
Total		85	84

Tim nazzjonali	Sena	Preżenzi
Spanja	1961	1
Spanja	1962	3
Total		4

Unuri

Plejer

Budapest Honvéd

: 1949–50, 1950, 1952, 1954, 1955

Real Madrid

La Liga: 1960–61, 1961–62, 1962–63, 1963–64, 1964–65
: 1961–62
Tazza Ewropea: 1958–59, 1959–60, 1965–66
Tazza Interkontinentali: 1960

Ungerija

Logħob Olimpiku tas-sajf: 1952
: 1948–53

Individwali

L-aqwa skorer tal-kampjonat Ungeriż: 1947–48, 1949–50, 1950, 1953
L-aqwa skorer tat-Tazza Internazzjonali: 1948–53
Plejer tas-Sena tal-Federazzjoni Ungeriża tal-Futbol: 1950
Ballun tad-Deheb tat-Tazza tad-Dinja: 1954
All-Star Team tat-Tazza tad-Dinja: 1954
L-aqwa skorer tal-kampjonat Spanjol: 1959–60, 1960–61, 1962–63, 1963–64
L-aqwa skorer tat-Tazza Ewropea: 1959–60, 1963–64
Imdaħħal fl-ewwel ħdax tar-rivista World Soccer: 1960, 1961, 1962, 1963
UEFA Jubilee Awards: Ungerija
Membru tal-
L-aqwa plejer Ewropew tas-seklu 20 skont il-gazzetta
L-aqwa plejer Ungeriż tas-seklu 20 skont l-
Imdaħħal fost l-aqwa għaxar plejers tas-seklu 20 (#6) skont l-IFFHS
Imdaħħal fost l-aqwa għaxar plejers Ewropej tas-seklu 20 (#4) skont l-IFFHS

Kowċ

Panathinaikos

: 1969–70, 1971–72

Sol de América

: 1986

South Melbourne Hellas

National Soccer League: 1990–91
NSL Cup: 1989–90
Dockerty Cup: 1989, 1991

Individwali

L-aqwa kowċ tal-kampjonat Grieg: 1969–70, 1971–72

Noti

^ Qabel l-1950 l-isem tal-klabb kien Kispesti AC.

Referenzi

^ ^a ^b Kolos, Vladimir (2022-06-30). "Prolific Scorers Data - Official matches" (bl-Ingliż). RSSSF. Miġbur 2022-10-18.
^ "Isten futballistának teremtette" (bl-Ungeriż). Nemzeti Sport Online. 2006-11-27. Arkivjat minn l-oriġinal fl-2007-07-14. Miġbur 2022-10-19.
^ Jack, Bell (2006-11-18). "Ferenc Puskas, 79, International Soccer Star, Dies" (bl-Ingliż). The New York Times. 0362-4331. Miġbur 2022-10-19.
^ István, Maruzsa (2011-04-01). "84 éve született a Száguldó Őrnagy" (bl-Ungeriż). Hatharom. Arkivjat minn l-oriġinal fl-2012-04-03. Miġbur 2022-10-19.
^ "Kovács Miklós legendája" (bl-Ungeriż). Csak a Kispest!. 2018-04-02. Miġbur 2022-10-19.
^ ^a ^b "FERENC PUSKAS - International Football Hall of Fame" (bl-Ingliż). IFHOF. Miġbur 2022-10-19.
^ ^a ^b ^ċ ^d Mamrud, Roberto (2011-04-21). "Ferenc Puskás - Goals in International Matches" (bl-Ingliż). RSSSF.
^ Halliday, Stephen. "Galloping Major gave us finest hour at Hampden" (bl-Ingliż). Scotsman. Arkivjat minn l-oriġinal fl-2007-10-16.
^ "Olympic Football Tournament Helsinki 1952: Yugoslavia - Hungary" (bl-Ingliż). FIFA. Miġbur 2022-10-21.
^ Reyes, Macario (2011-04-21). "5th International Cup" (bl-Ingliż). RSSSF. Miġbur 2022-10-21.
^ ^a ^b "England v Hungary - a football match that started a revolution" (bl-Ingliż). BBC. 2013-11-23. Miġbur 2022-10-21.
^ Corkhill, Barney (2020-04-09). "A tribute to Ferenc Puskás" (bl-Ingliż). Bleacher Report. Miġbur 2022-10-21.
^ "Hungary defeated England 7-1 on this day in 1954" (bl-Ingliż). Federazzjoni tal-Futbol Ungeriża. 2020-05-23. Miġbur 2022-10-21.
^ "Best teams never to win a World Cup: Hungary 1954" (bl-Ingliż). ESPNFC. 2014-05-06. Arkivjat minn l-oriġinal fl-2016-12-20. Miġbur 2022-10-22.
^ "1954 FIFA World Cup Switzerland™" (bl-Ingliż). FIFA. Miġbur 2022-10-22.
^ Masters, James (2014-06-16). "World Cup: the top 10 matches" (bl-Ingliż). CNN. Miġbur 2022-10-22.
^ Majundar, Amlan (2012-10-11). "The miracle of Bern – a game that changed Germany and Hungary forever" (bl-Ingliż). theHardTackle. Miġbur 2022-10-22.
^ Wilson, Jonathan (2006). Behind the Curtain: Football in Eastern Europe (bl-Ingliż). ISBN 978-0752879451.
^ ^a ^b "Puskas" (bl-Ingliż). Real Madrid CF. Miġbur 2022-10-24.
^ "On a day like today Puskas made his debut" (bl-Ingliż). Real Madrid CF. Miġbur 2022-10-24.
^ "First Division 1958-59" (bl-Ingliż). BDFutbol. Miġbur 2022-10-24.
^ "Real Madrid's Fourth European Cup" (bl-Ingliż). Real Madrid CF. Miġbur 2022-10-26.
^ Zea, Antonio; Haisma, Marcel (2007-05-18). "European Champions' Cup 1958-59 - Details" (bl-Ingliż). RSSSF. Miġbur 2022-10-26.
^ "Madrid win a fifth consecutive title" (bl-Ingliż). UEFA. 2014-09-01. Miġbur 2022-10-24.
^ Gorgazzi, Osvaldo José (1999-04-14). "Intercontinental Club Cup 1960" (bl-Ingliż). RSSSF. Miġbur 2022-10-26.
^ "Ferenc Puskas dies aged 79" (bl-Ingliż). Londra: The Guardian. 2006-11-17. Miġbur 2022-10-28.
^ "Eusébio stars in Benfica's second triumph" (bl-Ingliż). UEFA. 2014-09-01. Miġbur 2022-10-26.
^ "Inter keep European honours in Milan" (bl-Ingliż). UEFA. 2014-09-01. Miġbur 2022-10-26.
^ "Eric Batty's World XI - The Sixties" (bl-Ingliż). Beyond The Last Man. 2013-04-29.
^ ^a ^b ^ċ Stokkermans, Karel (2000-01-30). "IFFHS' Century Elections" (bl-Ingliż). RSSSF.

Ħoloq esterni

Ferenc Puskás fuq National-Football-Teams.com
Ferenc Puskás – rekord kompetittiv tal-FIFA (arkivjat)
Profil fuq is-sit ta' Real Madrid

[1] Qabel l-1950 l-isem tal-klabb kien Kispesti AC.

[prolific-2] Kolos, Vladimir (2022-06-30). "Prolific Scorers Data - Official matches" (bl-Ingliż). RSSSF. Miġbur 2022-10-18.

[3] "Isten futballistának teremtette" (bl-Ungeriż). Nemzeti Sport Online. 2006-11-27. Arkivjat minn l-oriġinal fl-2007-07-14. Miġbur 2022-10-19.

[4] Jack, Bell (2006-11-18). "Ferenc Puskas, 79, International Soccer Star, Dies" (bl-Ingliż). The New York Times. 0362-4331. Miġbur 2022-10-19.

[5] István, Maruzsa (2011-04-01). "84 éve született a Száguldó Őrnagy" (bl-Ungeriż). Hatharom. Arkivjat minn l-oriġinal fl-2012-04-03. Miġbur 2022-10-19.

[6] "Kovács Miklós legendája" (bl-Ungeriż). Csak a Kispest!. 2018-04-02. Miġbur 2022-10-19.

[a2-7] "FERENC PUSKAS - International Football Hall of Fame" (bl-Ingliż). IFHOF. Miġbur 2022-10-19.

[rsssf-intlg-8] ċ ^d Mamrud, Roberto (2011-04-21). "Ferenc Puskás - Goals in International Matches" (bl-Ingliż). RSSSF.

[9] Halliday, Stephen. "Galloping Major gave us finest hour at Hampden" (bl-Ingliż). Scotsman. Arkivjat minn l-oriġinal fl-2007-10-16.

[10] "Olympic Football Tournament Helsinki 1952: Yugoslavia - Hungary" (bl-Ingliż). FIFA. Miġbur 2022-10-21.

[11] Reyes, Macario (2011-04-21). "5th International Cup" (bl-Ingliż). RSSSF. Miġbur 2022-10-21.

[eng-hun-bbc-12] "England v Hungary - a football match that started a revolution" (bl-Ingliż). BBC. 2013-11-23. Miġbur 2022-10-21.

[13] Corkhill, Barney (2020-04-09). "A tribute to Ferenc Puskás" (bl-Ingliż). Bleacher Report. Miġbur 2022-10-21.

[14] "Hungary defeated England 7-1 on this day in 1954" (bl-Ingliż). Federazzjoni tal-Futbol Ungeriża. 2020-05-23. Miġbur 2022-10-21.

[15] "Best teams never to win a World Cup: Hungary 1954" (bl-Ingliż). ESPNFC. 2014-05-06. Arkivjat minn l-oriġinal fl-2016-12-20. Miġbur 2022-10-22.

[16] "1954 FIFA World Cup Switzerland™" (bl-Ingliż). FIFA. Miġbur 2022-10-22.

[17] Masters, James (2014-06-16). "World Cup: the top 10 matches" (bl-Ingliż). CNN. Miġbur 2022-10-22.

[18] Majundar, Amlan (2012-10-11). "The miracle of Bern – a game that changed Germany and Hungary forever" (bl-Ingliż). theHardTackle. Miġbur 2022-10-22.

[19] Wilson, Jonathan (2006). Behind the Curtain: Football in Eastern Europe (bl-Ingliż). ISBN 978-0752879451.

[ferenc-puskas-biro-20] "Puskas" (bl-Ingliż). Real Madrid CF. Miġbur 2022-10-24.

[21] "On a day like today Puskas made his debut" (bl-Ingliż). Real Madrid CF. Miġbur 2022-10-24.

[22] "First Division 1958-59" (bl-Ingliż). BDFutbol. Miġbur 2022-10-24.

[23] "Real Madrid's Fourth European Cup" (bl-Ingliż). Real Madrid CF. Miġbur 2022-10-26.

[24] Zea, Antonio; Haisma, Marcel (2007-05-18). "European Champions' Cup 1958-59 - Details" (bl-Ingliż). RSSSF. Miġbur 2022-10-26.

[25] "Madrid win a fifth consecutive title" (bl-Ingliż). UEFA. 2014-09-01. Miġbur 2022-10-24.

[26] Gorgazzi, Osvaldo José (1999-04-14). "Intercontinental Club Cup 1960" (bl-Ingliż). RSSSF. Miġbur 2022-10-26.

[27] "Ferenc Puskas dies aged 79" (bl-Ingliż). Londra: The Guardian. 2006-11-17. Miġbur 2022-10-28.

[28] "Eusébio stars in Benfica's second triumph" (bl-Ingliż). UEFA. 2014-09-01. Miġbur 2022-10-26.

[29] "Inter keep European honours in Milan" (bl-Ingliż). UEFA. 2014-09-01. Miġbur 2022-10-26.

[30] "Eric Batty's World XI - The Sixties" (bl-Ingliż). Beyond The Last Man. 2013-04-29.

[rsssf-iffhs-31] ċ Stokkermans, Karel (2000-01-30). "IFFHS' Century Elections" (bl-Ingliż). RSSSF.